د کابل د لويديځې څنډې سلګونه تنه اوسېدونکي د «عليپور یوازې نهدی» او «عليپور خوشې کړئ!» شعارونو په ورکولو سره سړکونو ته راوتلي دي.
د کابل د ۱۳مې ناحيې اوسېدونکي د عليپور د نیول کېدو د خبر په خپرېدلو سره سړکونو ته راووتل او له امنیتي ځواکونو نه یې د هغه د خوشېکېدو غوښتنه کوله.
معترض عباس دلاور سلام وطندار ته وویل، ځکه د عليپور د خوشېکېدلو غوښتنه کوي چې تل یې خلک له وسلهوالو بریدونو ژغورلي. د ښاغلي دلاور په خبره پولیسو په معترضینو ډزې کړي او څلور تنه معترضان یې ټپیان کړيدي.
یوه بله معترضه لیلا محمدي وایي، د عليپور نیونه پهدې شرایطو کې د حکومت په وړاندې حساسیتونه زېږوي او حکومت باید دا سیمهییز قوماندان ژر تر ژره خوشې کړي.
د کابل ترڅنګ، د بامیان ولایت اوسېدونکیو هم د قوماندان عليپور د نیولو په غبرګون کې اعتراض کړی او د خوشې کولو غوښتنه یې کړېده.
امنیتي ځواکونه د میزان میاشتې په نیمایي کې غور ولایت ته د عليپور د نیولو په موخه تللي وو؛ خو بریالي نهشول. ویل کېږي په هغو عملیاتو کې ۷ ملکیان وژل شويوو.
عليپور له درېیوو کلونو راپهدېخوا د میدان وردګ جلریز سیمه کې فعالیت کوي او ادعا کوي چې د مرکزي ولایتونو د لارې امنیت ساتنه کوي.
د ده تر قوماندې لاندې ځواکونه د مقاومت جبهې په نامه پېژندل کیږي او هغه مهال چې کوچیانو د میدان وردګو بهسودو ولسوالۍ پر اوسېدونکیو برید وکړل؛ دا جبهه جوړه شوه.
