روحالله د پکتيا د سيدکرم ولسوالۍ اوسېدونکی دی.
دی که څه هم له عمره کم ښکاري؛ خو شاوخوا څوارلس کاله کېږي چې د پوليسو په لیکو کې يې بېلابېلې دندې لرلې دي.
دی وايي، په لومړیو کې یې په معاش د ټولې کورنۍ ګزاره نه کېدله؛ خو د وخت په تېرېدلو سره يې معاش لوړ شوی او اوس یې پرې د کورنۍ ښه ګزاره روانه ده.
دويم څارن روحالله زیاتوي، شاوخوا څوارلس کاله کېږي، چې د پوليسو په ليکو کې په دنده بوخت دی.
دی زیاتوي لومړی یې د پولیس سرتېري په توګه د دندې د اشغال لهپاره د پولیسو په روزنيز مرکز کې زدهکړه پيل او د جګړې بيلابېل تکتيکونه زده کړل.
روحالله د څوارلس کلن خدمت په اوږدو کې اوس د پکیتا په مرکز ګردېز کې د ريزرف ټولي قوماندان دی.
روحالله ته لس کسیزه کورنۍ ور له غاړې ده.
ده وويل، څلور ماشومان لري او هر وخت يې د حال پوښتنه کوي.
روحالله په تېرو څوارلسو کلنو کې په سختو ورځو سره مخ شوی، چې په وينا يي، تر ټولو ترخې شېبې ـ چې د هېرېدلو نه وې ـ د جګړې په ډګر د ملګرو له لاسه ورکول دي.
خو د روحالله تر ټولو ښه خاطره د تېر کال په واړه اختر کې د دولت له وسلهوالو مخالفو سره اوربند دی چې درې ورځې يې په خوښۍ، خوشالۍ او په ارامۍ کې تېرې کړې.
د ده په خبره، له څوو کلونو وروسته يې کليوال او ملګري وليدل چې د ده په وينا، تر ټولو ښې ورځې يې همدا وې.
په ټولنیز لحاظ هر کسب ځانګړي مينهوال لري، څوک غواړي ښوونکی شي، څوک د طب او انجنیري له لارې غواړي ټولنې ته خدمت وکړي، خو روحالله بيا له کوچنیوالي د پولیسو له لیکو سره مینه لرله او له پخوا يې د وطن مينه په زړه کې وه چې د خلکو او خاورې ساتنه وکړي.
د روحالله د کوټې انډیوال د هغه زړورتيا ستايي او وايي، له دوی سره يې چلند ښه دی.
خالد چې په ـ ټولي کې ورسره سرتېری دی ـ وايي چې روحالله له ټولو سرتېرو سره ښه چال چلند کوي او په همغږي سره دنده مخته وړي.
روحالله وايي، د دوی شعار خدای، وطن او دنده ده او د خپل مسووليت لهمخې به د لوی خدای په مرسته په مېړانه د خپلو خلکو او خاورې ساتنه کوي او دی دا د ټولو سرتېرو مسووليت بولي.
ورته مطالب:
