لوگر ولایتی‌نینگ یشاوچی‌لری و ولایتی کینگش اعضالری، مذکور ولایت‌ده قیمت بها و تاریخی آبده‌لر قازیب چیقاریلیشی و قاچاقی قیته باشلنگنی‌دن خبر بیره‌دی. اولرگه کوره، مذکور ولایت‌ده بیر هفته‌دن بویان ناقانونی کیشی‌لر قمیت بها تاشلر و تاریخی آبده‌لرنی قازیب چیقاریش‌گه حرکت قیلگن و محلی حکومت حاضرگه‌قدر بو توغریده عکس‌العمل بیلدیرمه‌گن.
اولرنینگ ایتیشیچه، قیمت بها تاشلر و آبده‌لر پاکستان‌گه قاچاق بوله‌دی و شونینگ‌دیک، مسؤول‌لردن بیرقطاری‌نینگ، قاچاقچی‌لر بیلن قولی بار.
لوگر ولایتی کینگش باشلیغی سیدقریب‌الله سادات‌نینگ سلام‌وطندارگه ایتیشیچه، مذکور ولایت‌نینگ خروار تومنی کافر کوت منطقه‌سیده بیرقطاری کیشی‌لر تامانیدن تاریخی آبده‌لر قاچاق بولیشی توغری‌سیده خبردار بولگن. جناب سادات‌نینگ ایتیشیچه، شو توغریده بولگن خواطرلرینی امنیتی کوچلر بیلن شریک قیلگن و تیزلیک‌ده بو ایش باشقریله‌دی.
جناب سادات‌نینگ ایتیشیچه، خروار تومنی‌ده ولسوال تعیین ایتیلگنی‌دن کیین، اوشبو تاریخی منطقه‌ده اویمه‌کارلیک ایشی شدت‌لنگن.
شونینگ‌دیک، لوگر حاکمی سوزلاوچیسی سلیم صالح اوشبو مطلب‌نی تأیید قیلیب ایتیشیچه، اوشبو ولایت‌نینگ محلی اداره‌سی و امنیتی کوچلری توانی باریچه قیمت بها تاشلر و تاریخی آبده‌لر قاچاقی و قازیب چیقاریلیشی‌نی باشقرگن. اونینگ ایتیشیچه، انچه پیت آلدین، مذکور ولایت‌نینگ کانلر اداره‌سی باشلیغی اجمل سهاک‌نینگ، قیمت بها تاشلر و تاریخی آبده‌لر قاچاقی‌گه عیب‌لب قولگه آلگن و بو موضوع قاچاقچی‌لر برابریده اولرنینگ کوره‌شینی کورسته‌دی.
پل‌علم، محمدآغه، خوشی، خروار و ازره تومن‌لریدن کشف ایتیلگن باستانی هیکل‌لر و تاریخی آبده‌لر باشقه مملکت‌لر اینیقسه پاکستان‌دن باریب چیقگن.
لوگر ولایتی‌نینگ کرومیتی قیمت بها تاشلردن بیری بولیب و اوشبو ولایت رسمی‌لری، نیچه مرته ناقانونی کیشی‌لر آرقه‌لی قازیب چیقاریلیشی‌دن شکایت قیلگن‌لر.
بوندن آلدین، لوگر حاکمی‌نینگ ایتیشیچه، جمهور رییس غنی‌نینگ بویروغی اساسیده، مذکور ولایت‌ده کرومیت تاشی قاچاقی و ناقانونی شکلده قازیب چیقاریلیشی باشقریلگن. اونگه کوره، افغانستان حکومتی اینیقسه کانلر و پطرولیم وزیرلیگی، لوگر کانی‌دن فایده‌لنیش اوچون بیر ریجه اوستیگه ایشله‌یدی و اوشبو کان قازیب چیقاریلیشی کیم‌آچتی سوداسیگه قوییلیشی ممکن.
