هرات محلی رسمیلری، هرات- تورغندی تیمیر یولی بیر میلیون و 600 مینگ دالر صرفلهنیش بیلن قوریلیشیدن خبر بیرهدیلر.
هرات حاکمی محمدآصف رحیمی، هرات- تورغندی تیمیر یولی قوریلیشینی اقتصاد رواجلنیشی و اورته آسیا بازارلریگه افغانستان باغلهنیشی اوچون اونملی بیلیب و اوشبو ریجهنی عملگه تطبیق ایتووچیلریدن بیفرق یاندهشمسلرینی سورهدی.
رحیمینینگ ایتیشیچه، هرات- تورغندی تیمیر یولی کشک کهنه، کشک رباط سنگی، گلران، انجیل و گذره تومنلریدن اوتهدی، تورغندیدن باشلهنیب شیندند هوایی قونالغهسیگچه ییتکزیلیب، کمیده 200 کیلومتر بولیشی ممکن.
اونگه کوره، هرات- تورغندی تیمیر یولی هرات شهریدن اوتکزیلگنیدن کیین، هرات- خواف تیمیر یولیگه تاقیلهدی و بو اساسده، افغانستاننی اورته آسیا مملکتلریگه باغلهشی ممکن.
هرات حاکمینینگ کوپهیتیریشیچه، بوندن آلدین، هراتده 700 کیلومتر تیمیر یول ماسترپلانی تیارلنگن.
اونینگ ایتیشیچه، اوشبو لایحه ملی تیمیر یولنی بیر بولیمی بولیب و مملکت ولایتلرینی دنیا بازارلریگه باغلهیدی.
