لوگر ولایتی نینگ مرکزی و تومن‌لری نینگ یشاوچیلریدن بیرقطاری، سونگی ایکی هفته جریانیده اوشبو ولایتده ناتانیش قوراللی کیشی‌لرنینگ هجوملری و ناتینچلیک‌لر کوپه‌یگنیدن خواطر بیلدیریشگن. اولرنینگ ایتیش‌لریچه، لوگر ولایتی نینگ امنیتی وضعیتی اوتمیش گه نسبتن یامان بولگن.
لوگر یشاوچیلری گه کوره، بو هجوملر عیاللردن هم قربانلیک آلگن و اوتگن بیر هفته جریانیده ایکی هجوم ده 6 عیال هلاک و باشقه بیر عیال یره‌لنگن.
شنبه کون، 24- جوزا ده یوز بیرگن واقعه توغریسیده لوگر محلی مسؤوللری نینگ ایتیش‌لریچه، پلم‌علم شهری نینگ التیمور منطقه‌سیده ناتانیش قوراللی کیشی‌لر بیر اوی گه کیریب بیر آنه نینگ اوچ فرزندی بیلن اولدیرگن و باشقه ایکی فرزندی نی یره‌لنگن.
لوگر یشاوچیلریدن باشقه بیرقطاری نینگ ایتیشیچه، بیر آیدن بویان اوروش کوپه‌یگن و هر کیچه پل‌علم دروازه‌سیدن قتناو یوللر و امنیتی کمربندلرگچه قانلی هجوملر یوز بیره‌دی.
اولرنینگ ایتیشیچه، طالبان گروهی کون جریانیده کابل-لوگر قتناو یولی و پل‌علم شهری ده قوراللی هجوم و سِرلی ترورلرنی عملی قیلیش گه علاوه، ماین پارتلته‌دی، بیراق امنیتی کوچلر اولرنینگ بو ایشلری گه توسیق بوله آلمه‌یدی.
لوگر ولایتی نینگ خوفسیزلیک مسؤوللری، بو توغریده صحبت بیریش گه حاضر بولمه‌یدی.
