.jpg)
پاکستان رسمیلری نینگ ایتیشیچه، پاکستان کراچی شهریدهگی افغانستان قنسولگرلیک دفتری اوستیده اوق اوزیش نتیجهسیده بیر افغانستانلیک دیپلومات آتیب اولدیریلگن. اولرگه کوره، بو افغانستانلیک دیپلومات قنسولگرلیک تن ساقچیلریدن رحمتالله ناملی شخص آتیب اولدیرگن.
پاکستاندهگی افغانستان ایلچیسی عمر زاخیلوال هم اوز فیسبوک صحیفهسیده یازیب حادثه بوگون ساعت 12:30 ده روی بیرگن دیگن.
اونینگ یازیشیچه: «پاکستان کراچی شهریده افغانستان قنسولگرلیک ساختمانیده تن ساقچیلردن بیری نینگ اوق اوزیش نتیجهسیده دیپلوماتلریمیزدن بیری اولگن.»
کراچی پولیسلریدن آزادخان، حادثه شخصی خصومت ایتیلگن و باشلنغیچ تیرگاولر کورسه تیشیچه، هجومچی شخص هم افغان دیگن.
کراچی پولیس رسمیلری بوبارهده تیرگاولر دوام ایتیشیگه تأکید قیلگن.
