سنامجلسی شکایتلرگه ییتیشیش کمیسیونینینگ ایتیشیچه، اجتماعی ایشلر و ناگرانلر وزیرلیگینینگ ایکی سابق و ایکی حاضرگی اورین باسری خیالی ناگرانلر مسئلهسی خصوصیده باش قارهلاوچیلیککه تانیشتیریلگن.
اوشبو کمیسیون، اوتکن (چهارشنبه کون) اجتماعی ایشلر وزیری نسرین اوریاخیل و اوشبو وزیرلیک اورین باسرلریدن بیری صمیم سلطانینینگ، 51 مینگدن آرتیق خیالی ناگرانلرنی ساخته کارتلری و اولرگه معاش ترقهتیلگنی توغریسیده جواب بیریش اوچون مجلسده چقیرگن ایدی.
اجتماعی ایشلر وزیری نسرین اوریاخیل، مذکور وزیرلیککه نیچه آی ایشلهگنیدن کیین، جاری ییل میزان آیینینگ 5 ده سلاموطندارگه ایتیشیچه، اوشبو وزیرلیک رسمیلری خیالی ناگرانلرگه تیگیشلی 50 مینگ ساخته کارتنی تانیب آلگن.
ایتیلیشیچه، مذکور وزیرلیک اوتکن آلتی ییلده اوشبو خیالی ناگرانلرگه معاش بیرگن.
سنامجلسی شکایتلرگه ییتیشیش کمیسیون باشلیغی زلمی زابلینینگ ایتیشیچه، بو مسئله عدلی و قضایی ادارهلر تامانیدن تیکشیریلیشی لازم. جناب زابلی، باش قارهلاوچیلیککه تانیشتیریلگن تورت اورین باسردن آت توتمهی ایتیشیچه، اولر واقعیت بیللی بولیشی خصوصیده، باش قارهلاوچیلیککه تانیشتیریلگن.
اوشبو وزیرلیک اورین باسری صمیم سلطانینینگ ایتیشیچه، مذکور وزیرلیکده بایومتریک سیستمه بولمهگنی، بیرقطارلرگه ناگرانلردن فایدهلنیب ساخته کارت توزهتیش و فسادگه زمینه یرهتگن؛ بیراق اوشبو وزیرلیک بو لایحهگه تینیقلیک ایجاد ایتیش خصوصیده، خلق ارا بانکینینگ یاردمی بیلن بایومتریک ماشین ساتیب آلهدی.
شونینگدیک اجتماعی ایشلر وزیرینینگ ایتیشیچه، اوشبو وزیرلیک بو توغریده ینگی تیکشیرولرینی باشلهگن.
جاری ییل میزان آیینینگ 18 ده سلاموطندار تامانیدن قولگه کیریتیلگن حجتلرنی کورستیشیچه، هلمند ولایتیده خیالی شهیدلر و ناگرانلر آیلیگی خصوصیده، میلیونلرچه افغانی حیفومیل بولگن.
اوشبو گزارشده کیلیشیچه، هلمند ولایتی اجتماعی ایشلر، شهیدلر و ناگرانلر ریاستی باشلیغی محمدنادر وطنوال، 200 دن آرتیق ساخته کارتنی رویخطگه آلیب، کوپ پولنی اوز چونتهگیگه اورگن.
شونینگدیک اوشبو اداره ایشچیلریدن بیری «علی جمعه» یالغیزلیکده 50 ساخته کارتدن فایدهلنیب و اوشبو کارتلر آیلیگینی اوز حسابیگه یوبارگن.
اجتماعی ایشلر، شهیدلر و ناگرانلر وزیرلیگی رقمی اساسیده، افغانستان نفوسیدن 2.7 فایزینی ناگرانلر تشکیل بیرهدی.
