د ملي دفاع وزارت چارواکي وايي، د تېرو ۲۴ ساعتونو راپه دېخوا د میدان وردګ او لوګر ولایت په یو شمېر ولسواليو کې عملیات پيل شوي دي.
د څلورمې پلې لوا قومندان برید جنرال عبدالرازق ساپي سلام وطندار ته وویل، چې دغه عملیات د میدان وردګ په چغتو، سیداباد، نرخ او د لوګر په محمداغي، څرخ او برکي برک ولسوالیو کې د ملي اردو، پولیسو او ملي امنیت سرتېرو له لوري پيل شوي دي.
ساپی وایې، د دغو عملیاتو موخه په لوګر او میدان وردګ ولایتونو کې د وسله والو څخه یو شمېر سیمې پاکول او نوي ۵۰۰ امنیتي سرتېري ځای پرځای کول دي.
جنرال ساپي د دغوعملیاتو د پای نیټه په ډاګه نه کړه، خو ویې ویل، تر هغه وخته به دوام لري، چې د میدان وردګو او لوګر نا امنه سیمې له مخالفینو پاکې شي.
