د سولې عالې شورا ویاند غفور احمد جاوید سلاموطندار ته وویل، د بلجیم پلازمېنې بروکسل کې د افغانستان د سولې بهیر ارزولو په اړه دوې ورځنی کنفرانس تېره ورځ پای ته ورسېد.
هغه وویل، دا کنفرانس د اروپايي ټولنې د سولې انستیتیوت لهخوا جوړ شویو چې د افغانستان د سولې روان بهیر په اړه پهکې بحث او خبرې وشوې.
د ښاغلی جاوید په وینا، د سولې عالي شورا رییس محمد کریم خلیلي هم دغه کنفرانس کې ګډون کړی او له نړۍوالې ټولنې یې غوښتي چې د افغان سولې په تړاو خپلې هڅې ګړندۍ او همغږه کړي.
د بلجیم پلازمېنې برکسیل کې د افغان سولې په تړاو کنفرانس داسې مهال جوړېږي چې دې وروستیو کې د افغان سولې په تړاو قطر ته د یو شمیر بهرنیو هېوادونو د لوړ پوړیو چارواکیو سفرونه زیات شوي او دوحه کې د طالبانو له مرکچي پلاوي سره لېده ـ کاته کوي او دا لړۍ لا هم دوام لري.
ورته مطالب:
له طالب استازیو سره د اروپايي ټولنې د چارواکیو لیدنې ډېرې شوي
«سوله هغه مهال پایله لري چې امریکا په خپلو خبرو کې رښتینې وي»
