لغمان ولایتی یشاوچیلریدن قطاری نینگ ادعا قیلیشیچه، دولتی و آمریکا کوچلری قوشمه بیر عملیاتده بیر عایله نینگ 3 اعضاسینی اولدیرگنلر.
اعتراضچی‌لرنینگ ایتیشیچه، هلاک ایتیلگنلر تینچ‌اهالی دیر و اوز اوی‌لریده مذکور کوچلر آرقلی پچاقله‌نیب اولدیریلگن.
اولرگه کوره، اوشبو حادثه اوتگن کیچه مذکور ولایت علینگار تومنی نینگ «کلتک» منطقه‌سیده یوزبیرگن.
علینگار تومنی یشاوچیلریدن بیری شیرولی نینگ ایتیشیچه، مذکور حادثه‌ده بو عایله نینگ باشقه ایکی اعضاسی تن جراحتی کوتارگن و امنیتی کوچلر باشقه بیر کیشی نی اوزلری بیلن آلیب کیتگن.
علینگار تومنی یشاوچیلری مذکور حادثه گه قرشی ناراضلیک نمایش یولگه قوییب و جسدلرنی لغمان مرکزی مهترلام شهریده کیلتیریب، حکومتدن عدالت سوره‌گنلر.
ایتیلیشیچه، هلاک ایتیلگنلر برچه‌سی هیداوچی ایکن.
لغمان حاکمی سوزلاوچیسی اسدالله دولتزی اوشبو حادثه نی تصدیقلب و بو توغریده حکومت تامانیدن تدقیقات باشلنگنیدن خبر بیرگن. اونینگ ایتیشیچه، تیکشیروو نتیجه‌سی تیزلیکده رسانه‌لر بیلن شریک قیلینیشی ممکن.
کمیده بیر آی آلدین ننگرهار ولایتی‌ده 4 ایناغه ملی خوفسیزلیک 02 قطعه‌سی تامانیدن اولدیریلدی. اوشبو حادثه باعث مملکت ملی خوفسیزلیک ریاستی باشلیغی معصوم استانکزی استعفا قیلدی.
مذکور 4 ایناغه هلاک ایتیلگنی کوپینچه عکس‌العمل‌لرگه روپه‌رو بولدی و افغانستان حکومتی آرتیق تیکشیروو اوچون دوسیه توزه‌تگن، بیراق مذکور حادثه توغریسیده حاضرگچه کوپنیچه معلومات قولگه کیلمه‌گن.
شو توغریده:
