سیاسی ایشلر بیلرمانلردن بیرقطاریگه کوره، جمهور رییس و اجراییه باشلیغی اورتهسیدهگی قرهمه قرشیلیکلر باعث، ملی بیرلیک حکومتینینگ سیاسی کیلیشوو لایحهلریدن هیچ بیری حاضرگچه عملگه آشیریلمهگن.
بیر ییل آلدین، افغانستان جمهورلیک ریاستی اوچینچی دور سیلاو نتیجهسی جنجللی بولیب، آیلر اوتگندن کیین، ایکی سیلاو تیرمهجماعه محمد اشرف غنی و داکتر عبدالله عبدالله رهبرلیگیده امیریکه تشقی ایشلر وزیری جان کری و افغانستان بوییچه بیرلشگن ملتلر تشکیلات خاص نمایندهسی میانجیلیگی اساسیده، 1393- ییل 30- سنبلهده ملی بیرلیک حکومت تشکیل ایتیلیشی اوستیگه کیلیشگنلر.
ملی بیرلیک حکومت تشکیل ایتیلیشی خصوصیده، سیاسی شرطنامه بیرینچی مادهسی قدرتنی بیردیک بولیش ایدی؛ اوشبو موضوع سبب ملی بیرلیک حکومت رهبرلری نیچه آیدن کیین، ناتمام کابینه تشکیل ایتدی.
اوشبو کیلیشووگه اورغولنیشیچه، جمهور رییس و اجراییه باشلیغی اورتهسیدهگی حقیقی سیاسی همکارلیک مملکت ثباتلیگی مستحکم لنیشیگه سبب بولهدی.
شونینگدیک سیاسی کیلیشوو اونملی مادهلریدن بیری، ریاست تیزیمی پارلمانیگه اوزگریشی و افغانستان اساسی قانونیگه قیته تیکلش ایدی، بیر ییل اوتیشی بیلن بو توغریده هیچ بیر ایش بولمهگن.
سیاسی شرطنامه عملگه آشیریلیشینی تیکشیریش کمیسیون باشلیغی محمدناطقینینگ ایتیشیچه، حکومت خلق ایستهگی اساس، اوشبو شرطنامهنی عملگه آشیرهآلمهگن.
جناب ناطقیگه کوره، ایکی تیرمه جماعه اورتهسیدهگی قرهمه قرشیلیکلر و نیچه تامانلمه ایستکلر باعث، مذکور شرطنامه اوتکن بیرییل جریانیده عملگه آشیریلمه گن. ناطقی، سیاسی کیلیشوو مادهلری عملگه آشیریلمهگنینی، ملی بیرلیک حکومت ایجاد ایتیلیشی خصوصیده، ایکی تیرمه جماعه تجربهسیزلیگی و بونگه قوشیمچه اوروش و ناتینچلیک لردیب بیلهدی.
جناب ناطقینینگ ایتیشیچه، تجربهگه اساس، سیاسی کیلیشووگه جایلشتیریلگن مادهلرنی ملی بیرلیک حکومت تعیینلنگن زمانگچه عملگه آشیرهآلمهیدی.
شونینگدیک، مذکور سیاسی کیلیشووگه کوره، « اوشبو حجت یالغیزلیکده جمهور رییس و اجراییه باشلیغی اورتهسیدهگی علاقهنی بوتونلهی تعریف قیلهآلمهیدی، بلکیم بو علاقه ایکی تاماننی کوچلی ارادهسی بیلن افغانستان خلقینینگ برابریده تعریف بولیشی لازم».
بیراق اوتکن بیر ییلده نه فقط ایکی رهبر اورتهسیده همکارلیک سوزی یوریتیلمهگن، بلکیم جمهور رییس و اجراییه باشلیغی اورتهسیده قرهمه قرشیلیکلر موجود بولیب، خلق وضعیتی یمانلشیگه سبب بولگن.
افغانستان تونیقلیگینی تیکشیرووچی اداره اجراییه باشلیغی اکرم افضلی، اوتکن بیر ییلده حکومتنی یوتوقلی دیب بیلهدی، بیراق ایتیشیچه، فرصتلر و انشاعاتلر یانیده کوچسیزلیکلرهم موجود بولیب و حکومت لایحهلری عملی بولیشیگه توسیق بولگن. اونینگ کوپهیتیریشیچه، حکومت حاضرگه قدر اداری فسادگه قرشی کورهشیش خصوصیده چاره تدبیر کورمهگن.
شونینگدیک سیاسی شرط نامهگه کیلیشیچه، «ملی بیرلیک حکومتی سیاسی جماعه و اصلاحاتی قرارلر بیلن افغانستان خلقینینگ تینچلیگی تأمینلنیشی، ثباتلیگی، امنیتی، قانون حاکملیگی، عدالت، اقتصاد رواجلنیشی، معیاری خذمتلر، عیال لر و یاشلر وضعیتیگه دقت قیلیش خصوصیده بولگن آرمانلرینی عملگه آشیریشی لازم».
بیراق، سنامجلسی عضوی داکتر فیصل سمیعنینگ ایتیشیچه، حکومت اوتکن بیر ییلده، مملکت یشاوچیلرینینگ ایستهگینی عملگه آشیرهآلمهگن. سنامجلسی اوشبو عضوی، ملی بیرلیک حکومتی بیرییللیگیده قندوز ولایتی سقوطینی حکومت رهبرلیگی کوچسیزلیگی دیب ایتیشیچه، افغانستان خلقی امیدسیزلیککه قرار تاپگن و حکومت اوتکن ییللر یوتوقلرینی سقلهآلمهگن و خلق نیازیگه جواب بیرهآلمهیدی.
عین حالده، مملکتده پارلمان سیلاوی قنقه اوتکزیلیشی، الکترونیکی کیملیک حجت ترقهتیلیشی، اساسی قانونگه قیته تیکلش خصوصیده بویوکلر جرگهسی یولگه قوییلیشی و ریاستی تیزیم صدارت تیزیمیگه اوزگریشی ملی بیرلیک حکومتی سیاسی شرطنامهسینینگ اساسی مادهلریدن بولگن و بولرنی عملگه آشیریلیشی توغریسیده زمان جواب بیرهدی.
