قویاش 1397- تعلیمی ییل قونغیراغی بوگون جمهور رییس غنی تامانیدن چالینیب رسمی شکلده باشلندی.
بو ییل مکتب قونغیراغی مملکت‌ده حاضرگچه شرایط‌گه ماس 3.5 میلیون باله اورگه‌تیش و تربیه‌لش دن محروم بولیب و بوتون مملکت‌ده ناتینچلیک‌لر باعث، 1000 مکتب‌نینگ ایشیگی یاپیلیب قوییلگن بیرچاغده چالینگن.
بوگون امانی لیسه‌سیده ینگی تعلیمی ییل باشله‌نیش خصوصیده یولگه قوییلگن ییغینده جمهور رییس غنی‌نینگ ایتیشیچه، مملکت معارفی ایریم یوتوقلر قولگه کیریتیشی گه قوشیمچه، اورگه‌تیش و تربیه‌لش صفتی حاضرگچه جوده هم قویی دیر. او، قویاش 1397- ییل‌نی معارف دن حمایت قیلیش ییلی دیب اعلان قیلدی.
جناب غنی، 6000 مینگ مکتب قوریلیشی اوچون 200 میلیون دالر اجره‌تیلگنی‌دن خبر بیریب ایتیشیچه، اوقیتووچی‌لر اوچون ییر هم نظرگه آلینگن.
جمهور رییس غنی، معارف وزیرلیگی‌ده فساد آلدی آلینیشی اوچون تعیین ایتیش‌لرده اداری اصلاحات کیریتیلیشی اوستیگه تأکیدلب ایتیشیچه، جاری ییل‌ده کتاب و درس موضوعی توغریسیده بولگن کَم‌چیلیک‌لر هم حل ایتیله‌دی.
بوگون کابل گه قوشیمچه مزار شریف، خوست، کنر، لوگر، تخار و باشقه نیچه ولایتده معارف ریاستی مسؤوللری تامانیدن مکتب قونغیراغی چالینیب و ینگی تعلیمی ییل رسمی شکلده باشلندی.
