.jpg)
افغانستانده فعالیت قیلهدیگن خصوصی اوقوو مؤسسهلرینینگ مسؤوللری و اوقووچیلری، عالی اوقوو وزیرلیگی برابریده اعتراض بیلدیرگنلر.
عالی اوقوو وزیرلیگی تامانیدن اوقووچیلرگه دیپلوم ترقهتیملهگنی، فساد و عدالتسیزلیکنی اساسی قیینچیلیک دیگن اعتراضچیلر، بلند مرتبه مسؤوللردن تیزلیکده اوشبو قیینچیلیک حل ایتیلیشینی سورهگنلر.
خصوصی بیلیم یورتلر بیرلیگی باشلیغی سیدجاوید اندیش، عالی اوقوو وزیرلیگی مسؤوللرینی پاره خورلیک، ایکی تامانلمه حرکت و خصوصی اوقوو مؤسسهلریدن نظارت قیلمسلیککه عیبلهیدی.
.jpg)
جناب اندیشگه کوره، خصوصی اوقوو مؤسسهلرینینگ اوقووچیلریگه دیپلوم ترقهتیلمهگنی اساسی قیینچیلیکلردن بیری بولیب و نیچه ییلدن بویان اوشبو قیینچیلیک حل ایتیلیشی توغریسیده هیچ بیر ایش قیلینمهگن.
بیراق، عالی اوقوو وزیرلیگینینگ سوزلاوچیسی عارفه پیکان، اعتراضچیلرنینگ قیینچیلیکلری حل ایتیلیشینی بیلدیریب ایتیشیچه، عالی اوقوو وزیرلیگی دولتی و خصوصی اوقوو مؤسسهلری آرهسیده هیچ قندهی فرق قایل ایمس دیر.
عین حالده، خصوصی اوقوو مؤسسهلرینینگ مسؤوللری و اوقووچیلرینینگ آگاهلنتیریشیچه، عالی اوقوو وزیرلیگی قیینچیلیکلرینی حل قیلمهگن صورتده، کینگ اعتراضلرگه قول اوروشلری ممکن.
