قندوز ولایتی دشت‌ارچی تومنیده یوز بیرگن واقعه قربانلری عایله‌لریدن 300 دن آرتیق کیشی ناراضیلیک بیر نمایش اوچون مذکور ولایت مرکزیگه کیریشنی ایسته‌گن‌لر؛ لیکن امنیتی کوچلر تامانیدن کیریش گه رخصت بیریلمه‌گن.
اوشبو اعتراضچیلرنینگ ایتیشیچه، امنیتی کوچلر اولرگه قرشی اوق آتگن و نتیجه‌ده 4 کیشی یره‌لنگن.
قندوز امنیه قومندانی حمیدالله حمیدی‌نینگ ایتیشیچه، اعتراضچیلرنینگ آره‌سیده دولت گه قرشی قوراللی عصیانچیلر جایلشگنی باعث، امنیتی کوچلر اعتراضچیلرگه ولایت مرکزی گه کیریشلری اوچون رخصت بیرمه‌گن.
.jpg)
قندوز ولایتی محلی رسمی‌لرنینگ ایتیشیچه، دشت‌ارچی تومنیده یوزبیرگن حادثه‌ده 100 دن آرتیق کیشی جان بیریب و باشقه 200 کیشی یره‌لنگن. اوشبو حادثه‌نی تیکشیریش اوچون حکومت هم هیأت تعیین قیلدی. عین حالده، قندوز ولایت کینگشی اعضاسی امرالدین ولی‌نینگ ایتیشیچه، شونینگدیک نیچه مرته هیأت تعیین ایتیلگن، بیراق هیچ بیر نتیجه بیرمه‌گن.
یوز بیرگن حادثه‌دن سونگ، طالبان گروهی 150 تینچ اهالی جان بیرگنینی بیلدیرگن، بیراق حکومت رسمی‌لری، مذکور حادثه‌ده طالبان‌گروهی گه تیگیشلی 18 جنگری هلاک و باشقه 12 کیشی یره‌لنگنیدن خبر بیرگن.
