اسمی سیرسقلنیشینی ایستهگن یاش عیالنینگ رسانهلرگه ایتیشیچه، غزنی ولایتی کینگش اعضالریدن بیری زوردن اونی اوز قوریغماللریدن بیرینینگ نکاحیگه اوتکزگن.
یاش قیز، کیکسه یگن آنهسی بیلن غزنی مدنیت و خبارات ریاستیگه دادخواهلیک قیلیب، رسانهلرگه ایتیشیچه، 7 آی آلدین غزنی ولایتی کینگش اعضاسی عبدالجامع جامع قوریغماللری بیلن اونینگ یشش بناسیگه هجوم قیلیب، اوغیرلهگنیدن کیین، 8 کونی کیچه ایش دفتریده اسرهگن.
اوشبو قیز آنهسی نینگ ادعا قیلیب ایتیشیچه، عبدالجامع جامع بولرنی تهدید قیلگن و باشقه ایکی کیچیک قیزنی هم ایستهگن زمان آلیب کیته من دیگن.
اسمی و یشش ییرینی فاش قیلینمسلیگینی ایستهگن عیال، حکومتدن عدالت تأمین ایتیلیب و ایریدن طلاق آلیشنی ایستهیدی.
شونینگدیک بو خانم نیگه 7 آی آلدین عدلی نهادلرگه مراجعت قیلمه گنلیگی بارهسیده ایتیشیچه، اونی جناب جامع بوتون عایلهسینی اولدیرسه حکومتنی هم کوچی ییتمسلیگینی ایتیب تهدید ایتگن ایکن.
قیزینی قویبارتیریش اوچون جناب جامع دفتری ایشیگیده بارگنده، مذکور شخص اونی بو قیز مینی کی باشقه بونی کیتیدن کیلمه دیب تهدید قیلگن ایکنلیگینی تیلگه آلهدی، قیزنی آنهسی.
بیراق غزنی ولایتی کینگش اعضاسی عبدالجامع جامع قیز و آنهسی تامانیدن کیلگن تهمتلرنی غزنی والیسی «عبدالکریم متین» بویروغی اساسیده اونگه قرشی بولگن سیاسی توطئه دیب بیلهدی و بو ادعالرنی رد قیلهدی. اونینگ ایتیشیچه، قیزنینگ ایری اوقووچی بولگن و اونینگ نکاحی بارهسیده هیچ قندهی دخلدارلیگی بولمهگن.
غزنی ولایتینینگ عیاللر ریاستی باشلیغی شکریه ولی نینگ سلاموطندارگه ایتیشیچه، نیچه هفته دن بویان کابلده حیات کیچیریشی دلیل قضیهدن خبر ایمس.
اما غزنی والیسی نینگ سوزلاوچیسی جاوید سالنگی نینگ ایتیشیچه، یاش قیزنینگ قضیهسی اوچون والینینگ هیچ قندهی نقشی بولمهگن و تیگیشلی نهادلرگه قضیهنی جدی شکلیده تیکشیریلیش بویروغینی بیرگن.
بوندن آلدین هم غزنی ولایتیده عیاللر حقوقی فعاللری هردایم عیاللر قربان بولیشی و عیاللرگه قرشی سلبی توشینچهلر بارلیگیدن شکایت قیلگن ایدیلر. اولرنینگ ادعا قیلیب ایتیشلریچه، قومی کینگشلر افغانستان قانونلرینی نظرده توتمسدن عیاللرگه باشقچه قریدیلر.
