سمنگان ساغلیک ریاستی، مذکور ولایتده کرونا ویروسی نینگ ایکی ایجابی واقعهسی قید ایتلگنیدن خبر بیرگن.
سمنگان ساغلیک ریاستیدن بیر منبع نینگ سلاموطندار گه ایتیشیچه، ایکی دولت ایشلاوچیسی کیم بیری مخابرات ریاستی و باشقه بیری ایسه ساغلیک ریاستی ایشلاوچیسی دیر کرونا ویروسی گه چلینگن.
منبع گه کوره، مذکور کیشیلرنینگ کرونا لابراتواری سیناوی اوتگن کون کابل ده یوباریلگن ایکن و اولرنینگ ایجابی بولگنی بوگون تصدیقلنگن.
منبع نینگ کوپهیتیریشیچه، مذکور کیشیلر هیچ بیر تشقی مملکتده سفر قیلمهگن ایکن.
سمنگان ساغلیک ریاستی مسئوللری بو توغریده صحبت بیریشدن وازکیچیشگن.
مملکت ساغلیک وزیرلیگی نینگ گزارشی اساسیده، افغانستان ده حاضرگچه ۲۹۹ کیشی بو ویروس گه چلینگن.
بوگون شنبه ایرتهلب ساغلیک وزیرلیگی سوزلاوچیسی وحیدالله مایار خبری بیر ییغین اوتکزیب ایتیشیچه، کابل ده 67 یاشر بیر ایرکک کرونا ویروسی باعث جان بیرگن. مذکور کیشی نینگ هلاک ایتیلگنی بیلن مملکتده، کرونا ویروسی قربانیلری نینگ رقمی 7 کیشی گه ییتیشدی.
کرونا ویروسی نینگ ایجابی واقعهلری حاضرگچه، هرات، کابل، سمنگان، فراه، لوگر، کاپیسا، بلخ، زابل، دایکندی، بادغیس، قندهار، غزنی، نیمروز، ننگرهار، سرپل، بدخشان، بغلان، پکتیکا، پکتیا، قندوز، غور و فاریاب ولایتلریده قید ایتیلگن.
