ایکّی کون اول ملی اردو مرکزی ارکان رییسی عبداللهخان حبیبی و مدافعه وزیرلیگینینگ سرپرستی معصوم استانکزیلر ملی خوفسیزلیک عمومی ادارهسی و مدافعه وزیرلیگی نامزدی تَنیشتیریلدی.
لیکن جمهور رییسنینگ مذکور حکمی جملهدن جناب استانکزی مملکت ملی امنیت ادارهسی لوزامی اوچون نامزد ایتیلیشی عکسالعمللرگه روپه ره بولدی.
معصوم استانکزی اوتگن ییل سرطان آییده افغانستان ملی مدافعه وزیرلیگی ایتیب تعین لهنیش اوچون پارلمانگه تانیشتیریلگن ایدی؛ بیراق، او کوپچیلیک سلبی آواز بیلن رد ایتیلگندی.
اکثریتنینگ فکریگه کوره، جناب استانکزی کورینیشیچه اونچهلیک موفق مامور بولمه گنلیگیگه قرهمی، او ادارهدن بو اداره گه جمهور رییس تامانیدن نیمه اوچون نامزد وزیر تانیشتیریلیشی اساسی سوراق؟ او، درحال سرپرست بولیب تورگن بیر زمانده مملکتنینگ باشقه بیر مهم ادارهسی اوچون نامزد وزیر تانیشیتریلهدی.
بیر قنچه سیاسی تحلیلچیلر سلاموطندارگه حکومتنینگ «سرگردان مهره لری» بارهسسیده گپیرهدیلر. ایریم مملکتلر واستخبارات ادارهلری تامانیدن حکومتنینگ مهم لوازمی اوچون تانیشتیریلگن کیشیلرینی ایشدن چیقاریلیشی هم اونچه لیک آسان بولمیدی.
سیاسی تحلیلچی یونس فکورنینگ سوزلریگه قرهگنده، بیر قنچه مملکتلر کلیدی شخصلر تعین ایتیلیشی اوچون اساسی رولی بار انه شو سبب هم حکومت او مملکتلر همکارلیگیدن منتدارلیک بیلدیرگن بولسه – ده اولرنینگ ایستهگینی هم رد ایته آلمیدی.
افغانستانلیک باشقه بیر سیاسی تحلیلچی جاوید کوهستانی، مملکت ایچکی ایشلری اوچون بیر قنچه دولتلر ارهلهشیشینی رد ایتمی تاکیدلهشیچه، بیر قطار قوشنی مملکتلر افغانستاننینگ ضعیف بولگن وزیرلیکلری مدیریتی نی اوز منفعتلری اوچون یخشی سوء استعمال قیله آله دیلر دیگن.
لیکن، جمهور رییس سوزلاوچیسی نینگ اورین باسری داوود خان مینه پال، مذکور سوزلرنی رد قیلیب ایتیشیچه، افغانستان مستقل بیر مملکت و هیچ بیر زمان باشقه مملکتلر تاثیری آستیگه کیتمیدی دیگن. او، مملکت مهم لوازملری اوچون پارلمانگه تانیشتیریلگن شخصلر اوز ساحهلریده ییریک تجربه گه ایگه بولگن لیکلری اوستیده تاکید قیلگن.
هر حالده، مذکور نامزدلر اینیقسه جناب استانکزی، مجلسده بولگن اچیق تجربه سیگه قرهمی، ینه هم ملی مجلس اعضالری تامانیدن ایشانچ رای آلیشی بارهسیده قضاوت قیلیش هلی ایرته.
ملی مجلس اعضالریدن عبدالرحیم ایوبینینگ سوزلریگه کوره، بوندن بویان مجلس قرار لری بارهسیده اونچهلیک حساب قیلیش هم توغری ایمس/ جناب ایوبی، ملی مجلسنی اخیرگی وقتلرده بیر فروشگاهگه اوخشهتیب، نمایندهلرگه اونچهلیک ایشانچی بولمسلیگینی تیلگه آلگن.
ایتیلیشیچه، جناب استانکزی قیسقه مدت هم افغانستان مخابرات وزیرلیگی لوازمیده ایشلهگن؛ شونینگدیک او، 2004- ییل دن 2006 ییل گه قدر (دی دی آر) یا قوراللی شخصلرنی قورال سیزلنتیریش لایحهسی نینگ عمومی باشلیغی بولیب وظیفه بجرگن.
عین حالده، استانکزی 2010- ییلدن 2015- ییلگچه عالی تینچلیک کینگشی نینگ کاتبلیگی صفتیده ایش قیلگن. نهایتده جناب استانکزی اخیرگی بیر ییل دن بیری افغانستان ملی مدافعه وزیرلیگی سرپرستی و جمهور رییسنینگ تینچ لیک بوییچه مخصوص نمایندهسی اولراق خذمت قیلگن.
شونینگ دیک او، جمهور رییس غنی نینگ اخیرگی حکمی اساسیده افغانستان ملی خوفسیزلیک باشقرمهسی لوازمی اوچون نامزد ایتیب تعین لنگن.
