.jpg)
قندوز ولایتی مهاجرلر ایشلری ریاستی‌نینگ شاشیلینچ حالت مسؤوللری اوشبو مطلب‌نی بیان قیلیب سلام‌وطندارگه ایتیشیچه، اولر حاضرگچه چمه‌سی 1 مینگ عایله‌نی تیکشیریب اوتگن و تیکشیروو یکونلنگنی‌دن سونگ، مذکور عایله‌لرنینگ برچه‌سیگه یاردم بیره‌دیلر.
بیراق، قندوز ولایتی‌ده یوز بیرگن سونگی اوروشلردن بدرغه بولگن‌لر، باش پناه یوقلیگی و آچیلیک‌دن شکایت قیله‌دیلر.
قندوز ولایتی مهاجرلر ایشلری ریاستی‌نینگ شاشیلینچ حالت آمری محمدیوسف خدام‌نینگ سلام‌وطندارگه ایتیشیچه، اوشبو ولایت‌نینگ ایریم منطقه‌لریده امنیتی کوچلر و طالب‌لرنینگ آره‌سیده اوچ هفته‌دن بویان قتیق اوروش دوام ایتماقده.
جناب خدام‌گه کوره، شونچه مدت‌ده قندوز ولایتی‌نینگ ایریم منطقه‌لریدن کمیده 4 مینگ عایله بدرغه بولگن، بیراق بو بدرغه‌لر حاضرگچه هیچ قنده‌ی یاردم قولگه کیریتمه‌ی و یمان وضعیت‌ده قرار تاپگن‌لر.
قندوز ولایتی مهاجرلر ایشلری ریاستی‌نینگ شاشیلینچ حالت آمری‌نینگ ایتیشیچه، اوشبو شهرنینگ 8 شمالی قیشلاقی‌نینگ اهالیسی، قندوز-تخار قتناو یولی‌نینگ اهالیسی و قلعه‌زال تومنی‌نینگ یشاوچیلری، اوی و جایلرینی ترک قیلگن‌لر.
.jpg)
عین حالده، قندوز ولایتی‌ده یوز بیرگن سونگی اوروشلردن بدرغه بولگن‌لر، باش پناه یوقلیگی و آچیلیک‌دن شکایت قیله‌دیلر.
قلعه‌زال تومنی‌دن بدرغه بولگن نظرمحمدنینگ ایتیشیچه: «نان یوق، سوو یوق، چای یوق و هیچ نرسه یوق دیر.»
شونینگ‌دیک، قندوز ولایتی ملرغی قیشلاغی‌نینگ بدرغه‌لریدن بیری محمدانورنینگ ایتیشیچه، ییگولیک آذیق آوقت‌دن باشقه، باله‌لری‌نینگ کییه‌دیگن کییمی یوق دیر.
قندوز اوروشی‌نینگ بدرغه‌لری، امنیتی رسمی‌لردن طالب‌لرگه قرشی جدی حربی عملیات یولگه قوییلیشی و اولر اوز جایلریگه قیتیشی خصوصیده، زمینه یره‌تیلیشی‌نی سوره‌یدیلر.
عین حالده، قندوز ولایتی‌نینگ پولیس قومندانی عبدالحمید حمیدی، سلام‌وطندارگه بیلن اوتکزگن صحبتیده ایتیشیچه، اوشبو ولایت‌ده کینگ حربی عملیات یولگه قوییلیشی خصوصیده تیاگرلیک آلینگن و ایکی هفته‌گچه بدرغه‌لرنینگ اوز جایلریگه قیتیریش اوچون زمینه یره‌تیله‌دی.
