قندوز ولایتی معارف اداره‌سی نینگ مسووللری، قوراللی طالبلر کنترولیده بولگن منطقه‌لرده قیز اوقووچیلرگه 6صنف‌دن یوقاری صنف‌گه باریش‌گه رخصت بیرمه‌یدی.
بوگون (دوشنبه) قندوز معارف ریاستی نینگ باشلیغی رستم خان احمدی، ولایت‌ده مکتب قونغراغینی رسمن چَلیش بیلن بیرگه، جاری ییلده 3 مینگ قیز اوقووچی جنگری طالبلر اشغالیده بولگن منطقه‌لرده‌گی مکتبلرده درس اوقیش‌دن محروم ایتیلگن دیگن.
15 یاشیر اوقووچیلردن بیر عاقله نینگ سوزلریگه قرهگنده، او قوراللی طالبلر اشغالیده بولگن کلبات تومنیده حیات کیچیرهدی. بوندن ایکّی ییل آلدین 6 –صنفنی بیتیرگن و حاضر ایسه طالب مکتب باریش اوچون چیکلاو یره تگن دیدی. لیکن، او هر دَم مکتب باریشنی آروز قیله‌دی.
لیکن، قندوز ولایتی نینگ والیسی اسدالله عمرخیل، جاری ییلده قوراللی طالبلر اشغالیده بولگن تومنلردن جنگریلردن تازه‌له‌نیب اوقووچیلر مکتب باریشی اوچون شرایط یره‌تیب بیریشی حقیده اهالیگه وعده بیرگن.
اوتگن ییل هم قندوز بویلب 20 مینگ اوقووچی قوراللی طالبلرنینگ تهدیدی عاقبتیده مکتب باریشدن محروم ایتیلگن ایدی.
سلام وطندارگه صحبت بیرگن قوراللی طالبلرنینگ سوزلاووچیسی ذبیح‌الله مجاهد، قیزلر مکتب باریشی اوچون هیچ قنده‌ی چیکلاو یوق دیدی. او، قوراللی طالبلر کنترولیده بولگن حدودلرده‌گی خانه‌دانلر اوزی قیز فرزندلرینی مکتب باریشی‌گه مایل ایمسلر دیگن.
قندوز معارف ریاستی نینگ رسمی معلوماتیده حاضرگی کونده ولایتده‌گی 504 مکتب‌ده 300 مینگ اوقووچی درس بیلن شغللنه‌دی. بو مکتبلردن 275ته‌سی نینگ هنوزهم بناسی یوقلیگی باعث اوقووچیلر آچیق فضاده درس بیلن مصروف.
