قندوزنینگ خانآباد تومنی‌ده نا معلوم قوراللی شخصلر تورت ایناغه‌نی آتیب اولدیرگن. شونینگدیک اوق اوزیش نتیجه‌سیده بیشینچی ایناغه ایسه تَن جراحتی آلگن.
خانآباد تومنی نینگ پولیس قوماندانی عبدالظاهر، حادثه اوتگن کون کیچکی پیت تومن نینگ عرب قودیق قیشلاغیده روی بیرگن دیدی.
اوشبو بیش ایناغه مذکور نا معلوم قوراللی شخصلرنینگ عشر ییغیشی‌گه قرشیلیک کورستگن بیر پیت‌ده اوققه توتیلیب اولدیریلگن.
خانآباد پولیس قوماندانی، حادثه‌نینگ عامللری منطقه‌دن قاچگن دیدی. قوماندان اوشبو شخصلر بوندن آلدین هم پولیس قدیروویده بولگن لیگینی تیلگه آلگن. قندوزنینگ خانآباد تومنی‌ده کیمده 1700 ناقانونی شخص فعالیت قیلیشی ایتیله‌دی.
