قندهار امنیتی مسوول‌لری، اوشبو ولایت نینگ سپین‌بولدک تومنیده جاده چکه‌سیده، جایلشتیریلگن بیر ماین نینگ پارتله‌گنیدن خبر بیرگن‌لر.
قندهار پولیس قومندانلیگی سوزلاوچیسی جمال‌ناصر بارکزی نینگ بو خبرنی تصدیق‌لب سلام‌وطندارگه ایتیشیچه، اوشبو پارتلش‌ده 5 عیال، 5 ایرکک و 3 باله هلاک ایتیلگن. اونینگ کوپه‌یتیریشیچه، قربان بولگنلر بیر عایله نینگ اعضاسی دیر.
اوشبو واقعه بوگون "جمعه" ایرته‌دن چاغیده، سپین‌بولدک تومنی‌نینگ «لوی کاریز» منطقه‌سیده، تینچ اهالی‌نی انتقال بیره‌دیگن بیر موترنی جاده چکه‌سیده جایلشتیریلگن ماین بیلن دوچ کیلگنی سبب، یوز بیرگن.
قندهار پولیس قومندانلیگی سوزلاوچیسی نینگ کوپه‌یتیریشیچه، اوشبو ماین طالبان تامانیدن جایلشتیریلگن، بیراق حاضرگه‌قدر طالبان گروهی شامل هیچ‌بیر گروه بو واقعه مسوولیتی‌نی بوینیگه آلمه‌گن.
