افغانستانلیک‌لر ارا تینچلیک سوزلشوولریده اشتراک قیلگن‌لردن بیری شفیع‌الله نورستانی نینگ ایتیشیچه، طالبان گروهی و افغانستان نماینده‌لری آره‌سیده یولگه قوییلگن سوزلشوولر یخشی شکلده آلغه بارگن.
جناب نورستانی نینگ ایتیشیچه، افغانستان جانبی انسان حقلری و مدنی جماعه خصوصیده مذاکره قیله‌دی و طالبان گروهی هم بو توغریده فکر بیلدیرگن.
بو ییغینده اشتراک قیلگن‌لردن باشقه بیری امین‌الدین مظفری نینگ سلام‌وطندارگه ایتیشیچه، ایکی تامان آره‌سیده بولگن سوزلشوولر جدی و جالب ایدی.
اونینگ کوپه‌یتیریشیچه، آمریکا بیلن کیلیشوو صورت تاپگنی‌دن سونگ، رسمی سوزلشوولر باشله‌نیشی ایکی تاماندن مطرح ایتیلگن موضوع ایدی.
مظفری گه کوره، مذکور ییغینده طالبان، قرارگاه‌لری اوستیگه هجوم کوپه‌یشی، عیبلاولر و نظرگه آلینمه‌گنلری توغریسیده شکایتلری بار. شوندی بیرحالده، افغانستان نماینده‌لری حربی بولمه‌گن منطقه‌لرده مذکور گروه نینگ خودکش و پارتلش هجوم‌لری توغریسیده شکایت قیلگنلر.
عین حالده، ایکی تامان نینگ ایشانچی گه کوره، تینچلیک بولیشی کیره‌ک و اولر اوشبو مقصد گه ایریشش اوچون بیر یول آختره‌دیلر.
اوشبو صحبتلر بیان ایتیلگن بیرچاغده، افغانلرارا سوزلشوولر باشلنیشی بیلن، بوگون ایرته‌لب غزنی ولایتی کوچلی بیر پارتلش گه شاهد ایدی. مذکور هجوم‌ده 12 کیشی هلاک و 179 دن آرتیق کیشی یره‌لندی؛ مذکور هجوم قربانی‌لری نینگ کوپینچه‌سی باله‌لر دیر.
اوشبو هجوم مسئولیتی نی طالبلر بوینیگه آلدی.
