بوگون «شنبه» 18- حوت، کابلده سابق جهادی رهبرلر، سیاستچیلر و دولت ییریک رسمیلرینینگ حضوریده جمهورلیک ریاستینینگ سابق بیرینچی اورین باسری و سابق جهادی قومندانلردن بیری مارشال محمدقسیم فهیم نینگ اولیمینی 5- ییللیگی نشانلندی.
اوشبو مراسم ده نطق سوزلهگنلردن کوپینچهسی مارشال فهیم نینگ قیلگن ایشلریگه علاوه تینچلیک موضوعی خصوصیده توختهلیب اوتکنلر.
سابق جهادی باشلیغلریدن بیری بولگن محمدیونس قانونی نینگ ایتیشیچه، طالبان گروهی کوپلب مقاومت حوزهسینی اصلی رقیب بیلهدی و شو یوزهدن مذکور حوزه طالبان گروهی بیلن بولهدیگن تینچلیک توغریسیده هر تمانلمه ریجه تیارلشی کیرهک.
شونینگدیک، سابق جهادی رهبرلردن بیری بولگن عبدالرب رسول سیاف، تینچلیک سوزلشوولری جریانیده دایمی تینچلیک، ملی حاکمیت و افغانستان ییر بوتونلیگی سقلهنیشی اوستیگه تأکید قیلگن.
شو توغریده…
تینچلیک سوزلشوولری؛ طالبان گروهی تشقی کوچلر 6 آیده چیقیشینی ایستهگن
آمریکا و طالبان گروهی آرهسیده بولگن تینچلیک سوزلشوولر توختهتیلدی
تینچلیک؛ آمریکا طالبان رهبرلرینینگ آتلری قاره رویخطدن چیقاریلیشینی ایستهیدی
خلیلی: تینچلیک سوزلشوولری اونملی بیر باسقیچ گه قرار تاپگن
تینچلیک عالی کینگشی نینگ باشلیغی محمدکریم خلیلی هم شرفلی تینچلیک تأمینلنیشی نی طلب قیلگن.
خلیلی نینگ ایتیشیچه، افغانستان نینگ بوتون اهالیسی تینچلیک ایستهیدی و بیزلر قولگه کیلگن فرصتدن مملکت ده تینچلیک تأمینلنیشی خصوصیده فایدهلنیشیمیز کیرهک.
اوشبو بیاناتلر قطرنینگ دوحه شهریده آمریکا قوشمه ایالتلری و طالبان گروهی نینگ نمایندهلری آرهسیده تینچلیک سوزلشوولرینی بیشینچی دوری دوام ایتیب تورگن بیرچاغده بیان ایتیلگن. بو بیاناتلر امید بیریشی گه علاوه، تنقیدلرگه هم دوچ کیلگن.
