افغانستان بوییچه آمریکا قوشمه ایالتلری ایلچیسی جان بس نینگ خبری بیر ییغینده میدیالرگه ایتیشیچه، نمایندهلر کینگشیده ریاست اوستیده بولگن جنجللر و تارتیشمه اولرنی قتیق شکلده مأیوس و امیدسیز قیلگن.
جناب بس نینگ ایتیشیچه، افغانستان نمایندهلر کینگشی اهالی برابریده بولگن مسؤولیتینی عمل گه آشیره آلمهگن و اولرنینگ فکری گه کوره، «نمایندهلر کینگشیده قطار کیشیلر ملی منفعت گه نسبتن شخصی منفعت نی اوستون کورهدی.»
آمریکا ایلچیسی جان بس، نمایندهلر کینگشیده یوز بیرگن فزیکی تارتیشمه گه اشاره قیلیب کوپهیتیریشیچه، امنیتی کوچلر اوروش میدانیده عصیانچیلرگه قرشی اوروشده بولگنده و اولرنینگ عایله اعضالری محنت و قورقینچ بیلن روپهره بولیب تورگنده، نمایندهلر کینگشی اعضالری نینگ بو ایشی مأیوس قیلووچی دیر.
افغانستان بوییچه آمریکا قوشمه ایالتلری ایلچیسی، نمایندهلر کینگشی اعضالریدن اوز مسؤولیتلرینی اهالی نمایندهسی صفتیده یخشی بیر شکلده عمل گه آشیریشلرینی سورهگن.
افغانستان نمایندهلر کینگشی نینگ ایشی باشلنگنیدن کمیده ایکی آی اوتماقده و حاضرگهقدر ایچکی جنجل و تارتیشوولریدن چیقمهگن.
اوتگن کون «چهارشنبه» نمایندهلر کینگشیده باشلیغ تنلنیشی خصوصیده نمایندهلرنینگ آرهسیده فزیکی تارتیشمه یوز بیردی و عین حالده، نیچه چوکی و میز سیندیریلدی.
شو توغریده…
نمایندهلر قرشیلشدیلر؛ بوگون نمایندهلر کینگشیده نیمه بولدی؟
