جمهورلیک ریاستی مصلحتچیسی نینگ ایتیشیچه، طالبان نینگ کته شخصیتلریگه افغانستان دولتی تامانیدن تعیینلنگن هیات بیلن "علمی" شکلده استدلال قیلیش کوچی یوق دیر. اونینگ کوپهیتیریشیچه، طالبانگه استدلال قیلیش کوچی بولمهگنی سبب، افغانستانلیکلر ارا سوزلشوولر باشلنمهگن.
بوگون "پنجشنبه" جمهورلیک ریاستی مصلحتچیسی وحید عمر نینگ یاشلر ملی کنفرانسیده ایتیشیچه، طالبان گروهیگه افغانستانلیک هیات بیلن مذاکره قیلیش فهم و بیلیمی یوق دیر.
جمهورلیک ریاستی مصلحتچیسی نینگ کوپهیتیریشیچه، افغانستان دولتی تامانیدن تعیینلنگن مذاکره قیلووچی هیات دین، حقوق، قانون، اقتصاد، سیاست و باشقه موردلرگه طالبان گروهی بیلن سوزلشووگه تیار دیر.
نیچه کون جریانیده افغانستانلیکلر ارا سوزلشوولرنی قطر باشکنتی دوحه شهریده باشلهنیشی ممکن. طالبان گروهی مذکره نینگ بیرینچی دوری آجنداسی خصوصیده صحبت قیلمهگن، بیراق جناب عمر نینگ ایتیشیچه، سوزلشوولر بیرینچی دوریده آتیشکیسین و نظارتی میکانیزم خصوصیده بحث قیلینهدی.
جناب عمر گه کوره، سوزلشوولر جریانیده طالبان گروهی نینگ پارتلش و انتحاری هجوملردن قول تارتیشی کیرهک.
