.jpg)
بوگون «پنج‌شنبه» کابل‌ده یولگه قوییلگن بیر ییغینیده نطق سوزله گن مملکت سابق جمهور رییسی‌نینگ اورین باسری و بُن ییغینیده بیرلشمه جبهه هیأتی باشلیغی محمدیونس قانونی، بُن ییغینی‌نینگ یوتوقلری توغریسیده معلومات بیردی.
جناب قانونی، بو ییغیندن جهادیلرنینگ اینگ کته یوتوقی صفتیده ایسلب ایتیشیچه، مذکور ییغین ناکام بولگن صورتده، بیرلشمه جبهه اورته‌دن کیتردی و پاکستان ایسه، برنامه‌لری طالب‌لر آرقه‌لی افغانستانده عمل‌گه آشیریلیشی توغریسیده سعی و حرکت قیلردی.
جناب قانونی، افغانستان سیلاولری، ینگی اساسی قانون تیارله‌نیشی، دموکراسی عمل‌گه آشیریلیشی، عیاللرنینگ حقلری و افغانستان حکومتی گه دنیا جماعه‌چیلیگی تامانیدن میلیاردلرچه دالر یاردم بیریلگنینی بُن ییغینی‌نینگ یوتوقلریدن دیب بیله‌دی.
بیراق، مذکور ییغین اشتراکچیلریدن باشقه بیری، جناب قانونی‌نینگ سوزلرینی رد قیلیب ایتیشیچه، بُن ییغینده جهادیلرنینگ نماینده‌لرینی قیلگن ایشلری، جهاد و مملکت ملی قهرمانی احمدشاه مسعودنینگ آرزو و ایستک‌لریگه قرشی بولگن.
.jpg)
اونینگ ایتیشیچه، اسلامی جمعیت حزبی‌نینگ سابق باشلیغی برهان‌الدین ربانی هم بُن ییغینیده آلینگن قرارگه قرشی ایدی.
اوشبو ییغینده، مملکت سابق جمهور رییسی‌نینگ اورین باسری یونس قانونی، کیله‌جک نماینده‌لر کینگشی، تومن‌لر کینگشی و جمهورلیک ریاستی سیلاولری تنیق شکلده یولگه قوییلیشی اوستیگه تأکید قیلگن. جناب قانونی، رویخط‌گه آلینیش مرکزلرده اهالی مراجعت قیلمه‌گنیدن خواطر بیلدیریب و سیلاولر ایرکین کمیسیونی‌نینگ مسؤوللریدن ساخته‌کارلیک‌لر آلدی آلینیشی‌نی سوره‌گن.
18 ییل آلدین، میلادی 2001- ییل، دسمبر آیی‌ده، طالب‌لردن سونگ افغانستانده قدرت نی قولگه آلیش اوچون حکومت تشکیلاتی‌نی توزه‌تیش توغریسیده افغانستان‌نینگ تورلی سیاسی و حربی گروه‌لری‌نینگ نماینده‌لری، آلمان‌نینگ بُن شهریده توپلنگن‌لر. بُن ییغینی اشتراکچی‌لری کیلیشگن‌لریدن سونگ، اوشه زمانده اونچه‌لیک تانیلمه‌گن حامد کرزی آلتی آیلیک بیر دورده افغانستانده قدرت نی قولگه آلدی. شو آیده حامد کرزی افغانستان وقتینچه‌لیک اداره‌سی‌نینگ باشلیغی صفتیده آنت ایچدی و قدرت‌نی جهادیلر دولتی‌نی باشلیغی برهان‌الدین ربانی دن آلدی.
