فراه ده ماین پارتلش نتیجه‎سیده 8 کیشی هلاک و باشقه 40 کیشی یره‎لنگن

بوگون "سه‎شنبه" مسافر تاشیووچی بیر 303 موتر هرات- فراه قتناو یولی‎نینگ فراه‎رود منطقه‎سیده جاده کناریده یرلشتیریلگن ماین بیلن دوچ کیلگن.

فراه حاکمی‎نینگ سوزلاوچیسی محمدناصر مهری‎نینگ ایتیشیچه، اوشبو واقعه‎گه 8 کیشی هلاک و باشقه 40 کیشی یره‎لنگن.

بیراق فراه پولیس قومندانلیگی‎نینگ سوزلاوچیسی محب‎الله محب‎نینگ سلام‎وطندارگه ایتیشیچه، مذکور واقعه‎گه بیر عیال شامل 7 کیشی هلاک و باشقه 27 کیشی یره‎لنگن.

عین‎حالده هرات مرکزی کسلخانه سوزلاوچیسی محمدرفیق شیرزی گه کوره، حاضرگه‎قدر ایکی عیال، ایکی باله شامل  11 یره‎ دار مذکور کسلخانه‎گه انتقال بیریلگن.

 یره‎لنگن‎لردن بیرقطاری قطاری فراه‎رود ساغلیق مرکزی‎گه انتقال بیریلگن.

فراه محلی رسمی‎لریگه کوره، طالبان امنیتی کوچلر موترلرینی هدف آستیگه قرار بیریش مقصد بو ماین نی قتناو یولده یرلشتیرگن.