فرانسه و استرالیا طالبان 6 محبوسی نینگ قوییب یوباریلیشی‌گه قرشی کیلگن. فرانسه تشقی ایشلر وزیرلیگی نینگ بیر اعلامیه نشر قیلیب ایتیشیچه، فرانسه یشاوچی‌لری نینگ اولدیریش‌گه عیب‌لنگن طالبان محبوسی نینگ قوییب یوباریلیشی‌گه قرشی اعتراض بیلدیرگنلر.
پاریس نینگ ایتیشیچه، ضیااحمد و عبدالله غلام فرانسه یشاوچی‌لریدن بولمیش بتینا گوازلارد نینگ اولدیریش‌گه عیب‌لنگن، بیراق افغانستان دولتی تامانیدن آزاد قیلینگن.
اعلامیه‌ده ایتیلیشیچه، پاریس تینچلیک سوزلشوولردن حمایت قیله‌دی، بیراق اوشبو سوزلشوولرده اوروش قربان‌لری نینگ حقوق‌لریگه نظر قیلیش کیره‌ک، چونکه اوشبو موارد افغانستانده دایمی تینچلیک تامین‌لنیشی‌گه سبب بوله‌دی.
استرالیا هم مذکور محبوس‌لرنینگ قوییب یوباریلیشی‌گه قرشی کیلگن. رویترز کونده‌لیگی نینگ استرالیا تشقی ایشلر وزیری ماریس پین دن نقل قیلیب ایتیشیچه، استرالیا 3 حربی‌سینی اولدیرگن بیر محبوس نینگ قوییب یوباریلیشی‌گه قرشی کیلگن‌لر.
استرالیا تشقی ایشلر وزیری نینگ ایتیشیچه، حکمت‌الله قطر گه انتقال بیریلگن محبوس‌لردن بیری دیر و کانبرا محبوس‌لرنینگ انتقال بیریلیشیدن حمایت قیلمه‌یدی.
افغانستان حکومتی طالبان 6 جنجلی محبوس‌نی کابل دن قطرگه انتقال بیرگن و مذکور محبوس‌لرنی دوحه ده نظارت آستیگه قرار تاپیشی ممکن.
