.jpg)
جوزجان ولایتی ولایت کینگشی نینگ بیر قنچه اعضالری، درزاب تومنی محلی پولیس قوماندانی شاهمحمدنینگ تورموش اورتاغی داعش جنگریلری بیلن نیچه ساعتلیک اوروشدن سونگ اولدیریلگنی بارهسیده خبر بیردیلر.
جوزجان ولایت کینگشی نینگ اعضاسی حلیمه صدف کریمی، محلی پولیس نینگ تورموش اورتاغی ایری قوراللی طالبلر و داعش تامانیدن اولدیریلگندن سونگ هلاک ایتیلگن دیگن. بو تومنده نیچه کوندن بیری ملی کوچلر، داعش و جنگری طالبلر اورتهسیده اوروش دوامی بار دیگن خانم صدف.
ولایت کینگشی نینگ بو اعضاسی داعش جنگریلری و قوراللی طالبلر مذکور تومنده کمیده 12 ییش اوینی اوتگه یاقیب یوبارگنلر دیگن.
شونینگدیک جوزجان امنیه قوماندانی رحمت الله ترکستانی، درزاب محلی پولیسی شاه محمدنینگ خاتینی داعش جنگریلری اوروشیده قربان بولیب، آنهسی ایسه یرهلنگن لیگینی تصدیق ایتگن.
.jpg)
ولایت امنیه قوماندانی، شاه محمد ناملی قوماندانی اوتگن کون تورت تَن ساقچیسی بیلن اویی تامان حرکتده بولگن بیر پیت قوراللی طالبلر آرقهلی پیسترمهگه آلینیب اولدیریلگندن سونگ، اوشبو خاتین عصیانچیلرگه قرشی اوروش باشلهگن بیر پیتده قربان ایتیلدی دیدی.
ولایت نینگ امنیتی رسمیلری، اوروشده طالبلر و داعشگه وفادار 5 کیشی اولدیریلگن و 4 تهسی ایسه یرهلنتیریلگن دیدیلر. لیکن، ملی کوچلر تلفاتی توغریسیده رسمیلر بیرار نرسه دیمهگن هلی.
درزاب تومنیده خوفسیزلیک وضعیت توغریسیده خواطر بیلدیرگن تومن حاکمی رحمت الله حشر، «بی بی مریم» و «سردره» قیشلاقلریده جنگری طالب و داعش اعضالری بار دیگن.
جوزجان ولایت کینگشی نینگ اعضالری، ولایت نینگ درزاب تومنی قوراللی طالبلر و داعش جنگریلریدن تازهلهنیشی اوچون ولایت محلی مسووللریدن حربی تازهلش عملیات اوتکزیلیشینی سورهگنلر؛ اما، هنوزگچه بو یولده عملی آدیم کوتاریلمهگن دیدیلر.
