کابل طبیات فاکولتهسینینگ استادلری مذکور فاکولتهنینگ یورهک شفاخانهسی ساغلیقنی سقلش وزیرلیگیگه کوچیریلیب باریلگنی اوچون تحصن اعلان ایتگنلر.
کابل طبیات فاکولتهسینینگ رییسی شرین آقا ظریف استادلر اعتراضینی مدنی بیر حرکت دیب ایتیشیچه، مذکور شفاخانه یورهک فاکولتهسینینگ مالکیتی جمهور رییس بیلن شفاهی قرار اساسیده قبول قیلینگن. اونگه کوره، مذکور فاکولتهنینگ استادلری مذکور شفاخانهنینگ کوچیریلیشی اوچون یازیلگن نامهنی کوریب، بیلیم یورت کیلیشووی اساسیده فاکولته ایشیگینی محصللر یوزیگه یاپگنلر.
جناب ظریف، مملکت عالی تحصیلات وزیرلیگی مذکور استادلردن تحصن گه پایان بیریشلرینی سورهگن دیگن، اما استادلر وزیرنینگ ایستهگیگه ایجابی جواب بیرمهگنلر.
کابل طبیات فاکولتهسینینگ استادلریدن بیری امینعلیزی، یورهک شفاخانهسی بوندن آلدین وقتینچهلیک باشقه بیر کیشیگه بیریلگن، اما او مذکور شفاخانهسی غصب قیلگن دیگن.
شونینگدیک جناب علیزی، کابل طبیات بیلیم یورتینینگ یورهک شفاخانهسی برچه جهازلری بیلن دوباره قتیریلمهگن حالده، اوز تحصنلریگه پایان بیرمسلیکلرینی ایتگنلر.
مذکور بیلیم یورتنینگ محصللری تحصلی ییلنینگ سونگی سیناوی عرفهسیده قرار تاپگنلر و استادلرنی اعتراضی محصللر امتحانی آرتده قالیشگه باعث بولهدی دیگنلر. اولر، دولتدن مساله حل ایتیلیشی اوچون جدی چاره تدبیر کوریش نی سورهگنلر.
افغانستان عالی تحصیلات وزیرلیگی اوشبو موضوع تیکشیریلیشی اوچون هیات تعین ایتیلگن دیگن.
