.jpg)
جمهورلیک سرایینینگ بیرینچی اورین باسری بیلن شوحاضر فاریاب ولایتی نینگ پشتونکوت تومنیده بولیب تورگن اوروش میدانیده قتنشگن افغانستان اسلامی جنبش حزبی نینگ اورین باسری مسعود احمد مسعودنینگ سلاموطندارگه ایتیشیچه، پشتونکوت تومنی نینگ خواجه موسی منطقهسیده امنیتی کوچلر بیلن جنگری طالبلر ارا آغیر اوریش دوامی بار.
اونینگ بیلدیریشیچه، اوتگن کوندن بویان جنرال دوستم باشقروویده بولیب کیلهدیگن 25 – قیلیچ ناملی اوروش خواجه موسی منطقهسیده طالبلرنینگ تانیقلی قومندانلریدن مولوی قندهاری، مولوی حقیار، مولوی غنی و مولوی عزتالله قوشیمچه 32 جنگری طالب هلاک و فاریابده طالبلر تامانیدن والی ناملنگن داملا ظریف ایسه 25 اورتاقی بیلن یرهلنگن.
مسعودنینگ کوپهیتریشیچه، حاضرگه قدر اوروش جریانیده جمهورلیک سرایی نینگ خاص گاردینینگ قومندانی جنرال عبدالستار قاسیمی قوشیمچه امنیتی کوچلردن 6 کیشی تن جراحتی آلگن.
جنبش حزبینینگ اورین باسری اوروشدن صبور ناملی شاه یول تولی قومندانی نینگ آغیر یرهلنیشی بیلن جان بیرگنلیگینی تیلگه آلهدی.
فاریابده ایرلشگن شاهین 209 قول اردوسینینگ سوزلاوچیسی جگرن محمدرضا رضایی نینگ سلاموطندارگه ایتیشیچه، جنرال دوستم نظری آستیده ملی اردو باشقرویده بولیب کیله دیگن 25 – قیلیچ ناملی عملیات 3 کوندن بویان خواجه موسی تومنیده دوام ایتیب کیلماقده.
رضاییگه کوره، مذکور عملیات خواجه موسی منطقهسیده دوام ایتیب کیلماقده و بوگون کیش قورنگه قدر بوتونلی ناتینچ منطقه امنیتی کوچلر تصرفیگه کیریش امکانی بار.
شو بیلن بیرگه مسعود احمد مسعودنینگ بیلدیریشیچه، بوندن آلیدن طالبلر میمنه شهری نینگ 3 کیلومترلیگیده ایرلشگن ایدی و حاضر خواجه موسی منطقهلریدن کوپیسی امنیتی کوچلر تصرفیگه اوتیشی بیلن طالبلر 18 کیلومتر شهردن آرقه گه چیکله تیلگن.
او طالبلر قولیدن آلینگن ییرلرده امنیتی پوسته قوریلیب جنگری طالبلرنی محلدن چیقاریش جریانی بار دیگن.
اما طالبلر گروهی خواجه موسیده مذکور گروه کوچلری اینیسقه تانیقلی قومندانلرینینگ هلاک بولیشینی رد قیلهدی و جنگری طالبلر پشتونکوت تومنی نینگ امنیتی پوستهلریدن 3 تهسینی امنیتی کوچلر قولیدن آلگنلیگینی بیلدیرهدی.
