.jpg)
هلمند ولایتینینگ مارجه تومنی امنیه قومندانی عبدالله خاننینگ ایتیشیچه، قوراللی طالبلر مارجه تومنینینگ بیشینچی بلاک منطقهسیده بیر اولتیریش اویده پارتلاوچی ماده تولدیریلگن بیر موترنی یاشیریب و مناسب زمانده اوشبو ماده دن فایدهلنیشگه قصد قیلگن ایکن؛ بیراق اوشبو موتر کوتیلمهگن حالده پارتلهشی نتیجهسیده، 20 طالب هلاک بولیب و باشقه 15 تهسی یرهلنگن.
بیراق، هلمند ولایتیده دولتی منبعلردن بیری آتی فاش ایتیلیشینی ایستمهی سلاموطندارگه ایتیشیچه، اوشبو موتر ریجهلنگن بیر هجوم نتیجهسیده پارتلهگن و بو هجوم امیریکهنینگ اوچووچیسیز اوچاغی تامانیدن عملگه آشیریلگن.
مذکور منبعنینگ کوپهیتیریشیچه، هجوم نتیجهسیده طالبلرنینگ انباری بوتونلهی نابود ایتیلگن و اوشبو گروه اعضالریدن کمیده 5 کیشی هلاک بولیب و باشقه بیرقطاری یرهلنگن.
هلمند ولایتیدهگی طالبلر حاضرگهقدر بو توغریده میدیاگه هیچ نرسه دیمهگن.
