درزاب تومنی نینگ مرکزی افغان ملی کوچلری کنترولی‌گه اوتدی. جوزجان ولایتی نینگ امنیتی بلند مرتبه‌لی رسمیلری، داعش جنگریلرینی درزاب مرکزیدن تورت کیلو متر آرقه‌گه اورگنلیکلرینی ایته‌دیلر. حاضر مغل‌القانی منطقه‌سیده افغان ملی کوچلری بیلن داعش جنگریلری اورته‌سیده آغیر اوروش جریانی باری.
بوگون خبری بیر انجمن‌ده گپیرگن جوزجان پولیس قوماندانلیگی نینگ خوفسیزلیک آمری عبدالحفیظ خاشی، افغان ملی حربیلری هوا کوچلری‌نینگ حمایتی بیلن کیچه جنگری داعش‌نی درزاب مرکزیدن آرقه‌گه اورگنلر دیگن.
اونینگ سوزلریگه کوره، هجوم آقیمیده داعش نینگ 30 جنگری شامل ایکّی نفر کلیدی قوماندانی اولدیریلگن و 10 ته‌سی یره‌لنتیریلگن. جوزجان پولیس قوماندانلیگی نینگ امنیت آمری، اوروش جریانیده ملی کوچلردن ایکّی حربی قربان بولگن و ایکّی ته ایسه تن جراحتی آلگن دیدی.
ولایت امنیتی رسمیلری، بوگون کیچگه‌قدر درزاب تومنی‌گه ینگی حربی قوشینلری یوباریلیشی ممکن دیدیلر. ایتیلیشیچه، بوندن ایکّی کون اول داعش جنگریلری نیچه تاماندن درزاب اوستیگه هجوم قیلگن ایدی.
باشقه تاماندن طالبان فاریاب تومنلریده اویوشتیرگن هجومی آلدی آلینگن. فاریاب ولایتی نینگ امنیتی بلند مرتبه‌لی رسمیلری، جنگری طالبان اوتگن کیچه غورماچ، قیصار، المار، گرزیوان، شرین‌تگاب و دولت آباد تومنلریگه گروهی شکل‌ده هجوم قیلگنلر دیدیلر.
فاریاب پولیس اداره‌سی نینگ سوزلاوچیسی عبدالکریم یوریش بوگون خبری بیر اولتیریش‌ده، افغان ملی کوچلری بیلن جنگری طالبلر اورته‌سیده یوز بیرگن جنگ‌ده عصیانچی طالبلرنینگ 9ته‌سی اولدیریلگن و 9ته‌سی یره‌لنتیریلگن دیدی.
اونینگ سوزلریگه کوره، اوروش ده ملی کوچلردن 3 عسکر قربان بولگن و 4 عسکر ایسه یره‌لنگن. شونینگدیک جنگری طالبان پشتونکوت تومنیده ایکّی تینچ اهالینی آتیب اولدیرگن دیدی جناب یوریش.
طالبان تامانی هنوزگچه اعضالری اولدیریلگنی خصوصیده اخبارات واسطه‌لریگه بیرار نرسه دیمه‌گن.
