فاریاب و بدخشان ولایتینینگ یوزلب اهالیسی ملی کوچلری همده قندوز خلقیدن حمایت بیلدیریب قوراللنگنلر.
قندوز شهری قوراللی طالبلر تصرفیگه اوتگندن سونگ طالبلر گروهینینگ تبلیغلری نتیجهسیده فاریاب و بغلان ولایتی نینگ اهالیسی مذکور ولایتلرگه طالبلر هجوم قیلیشی بارهسیده خواطرلری آشگن.
افغان ملی کوچلرینی آلیقیشلهگن مذکور اعتراضچیلر ملی کوچلر یانیده توریب جنگری طالبلرگه قرشی اوروش قیلیش اوچون تیارگرلیک کورستگنلر.
بوگون یکشنبه فاریاب ولایتیده اوتکزیلگن ییغینده سیاسی حزبلر رهبرلری، قوم یاش اولوغلری، مدنی فعاللر، جهاد قوماندانلری، ولایتی کینگش نمایندهلری و یاشلر قوراللنیب میمنه شهری مرکزی خیابانلریده یوریب قوراللی طالبلرگه ضد شعار بیرگنلر.
اعتراضچیلر افغانستانده ترورچیلر حمایت ایتیلیشی اوچون قوراللی طالبلرنی عیبلب مذکور مملکتدن افغانستان برابریده بولگن نا توغری سیاستدن قول کوتاریشنی سورهگنلر.
شونینگدیک اعتراضچیلر قوراللی طالبلرنی آگاهلنتیریب اوشبو گروهنی فاریابده اورنی یوقلیگی بارهسیده تاکیدلهگنلر. اولرگه کوره، قندوز اهالیسی اوچون طالبلر تامانیدن تحمیل ایتیلگن وضعیت فاریابگه تکرار بولمشی ممکن ایمس و اولر امنیتی کوچلر و اوز ناموسلرنی مدافعه قیلیشدن سوز بیرگنلر.
ایتیلیشیچه، حاضر مذکور ولایتلرنینگ ایریم منطقهلریده قوراللی طالبلر بیلن ملی کوچلر اورتهسیده اوروش جریانی بار.
اما، فاریاب امنیتی مسووللریگه کوره، افغان ملی کوچلری قوراللی طالبلرگه قرشی اوروش قیلیش اوچون بوتونلی تیارلر.
بغلانده ایکینچی بار عصیان کوتاریلگن
شونینگدیک بوگون بغلان ولایتینینگ یوزلب اهالیسی طالبلرگه ضد قورال کوتارگن.
حاضر 300 کیشیلیک عصیان کوتارگنلرنی رهبرلیک قیلهدیگن سابق جهاد قوماندانی سید حشمتنینگ سلام وطندارگه ایتیشیچه، بیر تامچی قانی قالگونگه قدر اهالی همده ولایتیدن حمایت قیلیشینی ایتیب و هیچ بیر زمان قوراللی طالبلرگه مذکور ولایتگه کیریش اوچون رخصت بیرمیدی.
بوندن نیچه کون آلدین هم ولایتنینگ 3 مینگ اهالیسی جنگریلرگه قرشی قوراللنگن ایدی.
جنگریلرگه قرشی عصیان کوتاریشنی یولگه تشلهگلرنینگ سوزلریگه قرهگنده، حکومتدن قورال اسلحهدن تشقری هیچ قندهی یادم کوتمیدیلر.
ایتیلیشیچه بغلان ولایت مرکزی پلخمری شهرینینگ ایریم منطقهلریده افغان ملی کوچلری یانیده عصیان کوتارگنلر امنیت تامین ایتیلیشی اوچون همکارلیک قیلهدیلر.
