بیرلشگن ملت‌لر تشکیلات ایشلاوچیلری، میمنه شهریده یوزبیرگن سونگی ناتینچ‌لیک‌لر باعث، فاریاب‌نی ترک ایتکن ایدی. ینه بیر هفته گچه میمنه‌گه قیته‌دی. مملکت شمال زونی‌ده یوناما رسمی‌لری‌نینگ ایتیشیچه، میمنه شهریده‌گی «یوناما»، «یوان‌اچ‌سی‌آر»، «یونیسف»، «دبلیواف‌پی» ایشچی‌لری ناتینچ‌لیک‌لر کوپیگنی و طالب‌لر تامانیدن گروهی شکلده هجوم اویوشتیریلیشی خصوصیده ترقه‌تیلگن گزارش‌لر باعث، اوشبو شهرنی ترک ایتکن‌لر.
مملکت شمال زونی‌ده یوناما سوزلاوچیسی لطف‌الله بارزنینگ سلام‌وطندارگه ایتیشیچه، اوشبو تشکیلات فعالیت‌لری فاریاب‌ده توخته‌تیلمه‌گن و اوشبو تشکیلات دفتری‌نینگ ایشیگی وقتینچه‌لیک یاپیلگن.
عین حالده، فاریاب‌ده امنیتی رسمی‌لرنینگ ایتیشیچه، مذکور ولایت امنیتی وضعیت یخشی بولگن و امنیت توغری‌سیده هیچ بیر خواطر یوق دیر.
فاریاب امینه قومندانلیگی خوفسیزلیک آمری سمونوال بریالی بشریار پروانی‌نینگ سلام‌وطندارگه ایتیشیچه، بیرلشگن ملت‌لر تشکیلات ایشلاوچیلری، ینه ایکی کونده فاریاب‌گه قیته‌دی و فاریاب‌ده جایلشگن امنیتی کوچلر خوفسیزلیک‌نی تأمین‌لش خصوصیده، بار توانی‌دن ایش‌آلیش‌لری ممکن.
خلق ارا تشکیلات ایشلاوچیلری، سکیز کون آلدین نامعلوم شکلده میمنه شهری‌نی ترک ایتیب، مذکور دفتری مرکزی مزار شریف بارگن‌لر.
