فاریاب ولایتی بوییچه معلومات و مدنیت ریاستی مسووللری نینگ ایتیشیچه، اوشبو ولایتده شهباز خان تاریخی آبدهسی 21 میلیون افغانی خرجت بیلن معلومات و مدنیت وزیرلیگی تامانیدن قیته قوریلهدی.
فاریاب ولایتی بوییچه معلومات و مدنیت ریاستی نینگ فرهنگی میراثلرنی سقلش مدیری فریبا فیضی نینگ سلاموطندارگه ایتیشیچه، شهباز خان بخارایی مدرسهسی نینگ قیته قوریش ایشی باشلنگن.
خانم فیضی نینگ کوپهیتیریشیچه، اوشبو تاریخی آبده فاریاب ولایتی نینگ اندخوی تومنیده جایلشگن و مذکور تاریخی آبده بو ولایتده اسلام تربیهلش اونملی مرکزلردن بیری سنهلهدی و قمری 11- قرنده شهباز خان بخارایی ناملی بیر کیشی تامانیدن قوریلگن.
فاریاب ولایتی بوییچه معلومات و مدنیت ریاستینی میراثلرنی سقلش مدیری نینگ ایتیشیچه، مذکور مدرسه 2500 متر مربع ییرگه قوریلگن، بیراق زمان اوتیش بیلن طبیعی حادثهلر سبب، تخریب بولگن ایدی و حاضرده قیته قوریش ایشی باشلنگن.
فاریاب ولایتی بوییچه معلومات و مدنیت ریاستی مسووللری نینگ ایتیشیچه، شهباز خان تاریخی آبدهسی نینگ قیته قوریش ایشینی 1400 ییل اداغی گچه یکونلنیشی ممکن.
