سلام‌وطندارگه صحبت بیرگن کوهستان تومنی پولیس قومندانی محمدناصر خان‌نینگ ایتیشیچه، طالبان کوهستان یشاوچی‌لرینی خوفسیزلیک کوچلر گه آذیق-آوقت یاردم بیریشی گه عیبلب بو تومن‌ده ییتیب باره‌دیگن یول‌لرنی باغلب و آذیق-آوقت نی انتقالی بیریلیشی‌گه رخصت بیرمه‌یدیلر.
اونگه کوره، طالبان موترلرنی تیکشیره‌دی و مقداری آز بولگن آذیق-آوقت نی هم آله‌دی.
شونینگ‌دیک فاریاب ولایتی پشتونکوت تومن ولسوالی عبدالله معصومی، طالبان اوشبو تومن یشاوچیلری‌گه آذیق-آوقت تحریمی ایجاد قیلگنینی تصدیقله‌یدی.
کوهستان یشاوچی‌لریدن حکمت‌الله طالبان‌نینگ آذیق-آوقت نی تحریمی ایتگنیدن خواطر بیلدیریب آگاه‌لنتیریشیچه، حکومت توجه‌سیزلیک قیلگن صورتده، انسانی فاجعه یوز بیریشی ممکن.
فاریاب ولایتی کینگش اعضاسی فضل‌الحق محمدی‌نینگ ایتیشیچه، طالبان اوتگن نیچه کون‌ده کوهستان و پشتونکوت تومن یشاوچیلری‌گه ینگی چیکلاولر تعیین ایتگن.
فاریاب ملی خوفسیزلیک ریاستی بیر خبرنامه ترقه‌تیب بو تومن ده ییتیب باره‌دیگن یول‌لر طالبان تامانیدن باغلنگنی نی تصدیقلب، اهالی‌نینگ وضعیتی نی خواطرلی دیگن.
حاضرگچه فاریاب خوفسیزلیک مسئولری کوهستان و پشتونکوت تومن‌لری‌نینگ یولی نی آچیش اوچون قندی ریجه قولگه آلگن‌لری بیلی ایمس.
