کبرا؛ جاری ییل، 4- اسد، دایکندی ولایتینینگ سنگتخت و بندر تومنیده 14 یاشر بیر قیز نیچه کیشی تامانیدن بیرینچیدن قیناققه سالینیب و اوندن سونگ، درخت شاخیگه آسیلهدی.
کبرانینگ اولیم واقعهسیدن کمیده 3 آی اوتماقده؛ بیراق عایلهسینینگ ادعا قیلیشیچه، کبرانینگ اصلی قاتللری حاضرگچه قولگه آلینمهگن و دولت کبرانینگ اولیم واقعهسی خصوصیده، ییترلی بیر ایش قیلمهگن.
کبرانینگ تاغهسی حسن رضایینینگ ایتیشیچه، قاتللر تانیلگن؛ لیکن حاضرگچه قولگه آلینمهگن.
کبرانینگ تاغهسی گه کوره، جییهنی 3 قتل، 2 آدم اوغیرلش و نیچه کلتکلش و اوغیرلاوچیلیکدن سونگ، اولدیریلگن و بو قضیهلرنی برچهسی کبرانینگ قاتللری آرقهلی عملگه آشیریلگن؛ بیراق دولت بو دوسیهلردن هیچ بیرینی تیرگاوگه آلمهگن.
کبرانینگ مدافعه وکیلی حیدر ابراهیمینینگ ایتیشیچه، اصلی قاتللر قاچیب یورگنلر و شونینگدیک، قولگه آلینگن 3 کیشیدن 2 تهسی محکمهدن برائت آلگنلر و اوچینچی کیشی جنایت گه شریک بولگنی اوچون 7 ییل تنفیذی حبس گه محکوم ایتیلگن.
کوپراق اوقینگ
ایکی دهه دشمنلیک؛ چادری بیلن آسیلگن قیزنینگ ماجراسی
.jpg)
اوشبو واقعهده عیبدار تانیلگنلردن بیرینینگ مدافعه وکیلی صادق رضایینینگ ایتیشیچه، دستلبکی محکمهده ییترلیچه ثبوت ارایه ایتیلمهگنی باعث، 3 کیشی هم برائت آلگن؛ بیراق قطار کیشیلرنینگ واسطهچیلیگیدن سونگ، دوسیه استیناف محکمهسیگه یوباریلگن.
کبرانینگ آتهسی و تاغهسینینگ بیاناتلریگه کوره، کبرانینگ عایلهسی بیلن قاتللرنینگ دشمنلیگی ایکی دهه ایلگری گه باریب تاقیلهدی.
