کابل غربیده جایلشگن یوز یاتاقلیک ملی کسلخانه کمیده بیر ییریم آی آلدین قوراللی کیشیلرنینگ هجومی باعث، باغلنگن ایدی.
بوگون "چهارشنبه" ساغلیقنی سقلش وزیرلیگی سرپرستی احمدجواد عثمانی نینگ دشتبرچی یوز یاتاقلیک ملی کسلخانهسیده اوتکزگن خبری ییغینده ایتیشیچه، اوشبو کسلخانه افغانستان ملی انکشاف شرکتی تامانیدن قیتهدن قوریلهدی و دولتی هزینه آرقهلی فعالیتگه باشلهیدی.
جناب عثمانی نینگ کوپهیتیریشیچه، 40 داکتر و ساغلیک ایشلاوچی باشقه کسلخانهلردن اوشبو کسلخانهده جایلشتیریلهدی. اونینگ ایتیشیچه، مذکور کسلخانه ایشلاوچیلری نینگ حقوقلری بوندن سونگ، افغانستان دولتی تامانیدن توللنهدی.
جاری ییل ثور آی نینگ 23- تاریخی ده قوراللی کیشیلر دشتبرچی ده جایلشگن یوز یاتاقلیک ملی کسلخانه اوستیگه هجوم قیلگن ایدی و نتیجهده بالهلر و آنهلر شامل 24 کیشی هلاک و باشقه 16 کیشی یرهلنگن ایدی.
مذکور کسلخانه بوندن آلدین چیگرهسیز داکترلر تامانیدن اداره قیلینهریدی، بیراق اوشبو سازمان هجومدن سونگ، فعالیتلرینی توختهتیب قویگن ایدی.
