غزنی ولایتینینگ قرهباغ تومنی گه تیگیشلی کابل-قندهار قتناو یولینی توسگن اعتراضچیلرنینگ ادعا قیلیشیچه، اوتگن کیچه نیخته قیشلاغینینگ یشاوچیلری و محلی پولیسدن تشکیل ایتیلگن قوراللی کیشیلر، شیرآباد قیشلاغی اوستیگه هجوم قیلیب، 2 کیشینی اولدیریب، 2 کیشینی یرهلنتیریب و باشقه 2 کیشینی اوزلری بیلن آلیب کیتگن.
اوشبو اعتراضچیلر، هزارهلر یشهیدیگن نیخته قیشلاغی و پشتونلر یشهیدیگن شیرآباد قیشلاغی آرهسیده یوز بیرگن جنجللرنی حل قیلیشده محلی حکومتنی دقت سیزلیککه عیبلب و بو وضعیت نتیجهسینی خطرلی دییدیلر.
شونینگدیک، وزیری قوم بویوکلریدن بیرقطاری، کابلده ناراضیلیک بیر نمایش یولگه قوییب قرهباغ تومنینینگ شیرآباد قیشلاغیده وجودگه کیلگن جنجللر حل ایتیلیشینی سورهگنلر. اولرنینگ ایتیشیچه، اوتگن کیچه یوز بیرگن هجومده دولتی امکانیتدن فایدهلنیلگن.
بیراق، واقعهنی تصدیقلگن قرهباغ تومنی ولسوالی صاحبخان الهام نینگ ایتیشیچه، واقعه تیکشیریلیشی توغریسیده بیر هیأت تشکیل ایتیلگن.
ایتیلیشیچه، نیخته و شیرآبا قیشلاقلری آرهسیده یوز بیرگن جنجللر نیچه ییلدن بویان دوام ایتهدی.
