غور ولایتی نینگ یشاوچی‌لری فیروزکوه‌ده نادولتی موسسه و نهادلر فعالیتی توخته لیشی‌دن خواطر بیلدیریب ایتیشلریچه، نهادلردن کوپیسی قیسی بیر دلیل بولمسدن کوپلب یوکسه‌تیش لایحه‌لرینی ولایت مرکزی فیروزکوه‌ده عمل‌گه آشیره‌دیلر. اولر اوشبو نهادلردن ولایت برچه تومنلریده فعالیت قیلشینی طلب قیله‌دیلر.
غور یشاوچی‌لریدن بیری سلطان محمدنینگ سلام‌وطندارگه ایتیشیچه، نادولتی نهاد و موسسه‌لر ولایت قیشلاق‌لریده ایشلش‌گه قیزیق میدیلر و کوپلب فیروزکوه مرکزیده توجه قیله‌دیلر.
ولایت باشقه بیر یشاوچیسی محمد نبی نینگ ایتیشیچه، فیروزکوه یشاوچیلریگه قره گنده، ولایت قیشلاق و تومنلریده یشه یدیگنلرنینگ یاردمگه نیازلری کوپراق.
غور والیسی نینگ سوزلاوچیسی عبدالحی خطیبی خبرنی تأیید قیلیب ایتیشیچه، خصوصی نهادلر و تشقی موسسه‌لر ایش لایحه‌لری برنامه‌لریگه قره‌گنده، هیچ بیرکیشی اولرنینگ ایشلریگه اره‌لش حقیگه ایگه ایمس، بیراق ینه هم اولر اوشبو موسسه‌لردن تومنلر و قیشلاقلرده فعالیت قیلیشلرینی طلب قیلگن.
اونینگ ایتیشیچه، نادولتی نهادلردن کوپیسی تومنلرده امنیت بولمه‌گن‌لیگینی اوزلریگه قیینچی‌لیک بیله‌دی، اما بو موضوع نادولتی نهادلرنی تهدید قیلمیدی.
افغانستان قیته قوریش و یوکسه‌تیش اویغونلیک موسسه‌سی باشلیغی جمال یعقوبی، اوتگن ییللرگه قره گنده نادولتی نهادلر بودجه‌سی آزه‌یگنلیگی‌گه قوشیمچه، فعالیت‌لری غور ولایتی نینگ مرکزیده چیکله‌نیب قالگنی، قیشلاقلر و تومنلرده امنیت بولمه‌گنی اوچون دیدی.
نادولتی موسسه و نهادلر فعالیتی قیسقرتیریلگن‌لیگیدن شوپیتده خواطر بیلدیریلماقده دیرکه سونگی ییللرده نادولتی نهادلر و موسسه‌لردن کوپیسی غور ولایتیده فعالیت‌لرینی توخت تدی و بولسه هم قیشلاق و تومنلرده ایمس.
