.jpg)
غور امنیتی مسئوللری بو ولایت نینگ مرغاب تومنی طالبلرنینگ قولیگه سقوط قیلگنیدن خبر بیریشگن.
غور پولیسی سوزلاوچیسی عبدالمعروف رامش بو خبرنی تصدیق‌لب سلام‌وطندارگه ایتیشیچه، اوتگن کیچه طالبان امنیتی کوچلرگه قرشی هجوم اویوشتیریش بیلن مذکور ولایت نینگ مرغاب تومنی نی نظارت گه آلگن.
جناب رامش نینگ ایتیشیچه، امنیتی کوچلر بو تومندن آرقه گه چیکیلیب و دولت یار تومنی مرکزیگه بارگن.
اونگه کوره، اوتگن کیچه امنیتی کوچلر و طالبان گروهی آره‌سیده یوزبیرگن آتیشمه‌ده، ۴ طالب هلاک ایتیلگن.
شونینگدیک بو آتیشمه‌ده، ۳ پولیس هلاک و باشقه ۴ پولیس ایسه یره‌لنگن.
غور پولیسی قومندانلیگی سوزلاوچیسی نینگ ایتیشیچه، امنیتی کوچلر تیزلیکده بو تومن نینگ طالبان نظارتی‌دن چیقاره‌دی.
عین حالده، اوتگن کون طالبان یالغیز مرغاب تومن پولیس قومندانلیگی نی نظارت گه آلگن ایدی.
شونینگدیک اوتگن کون غور ولایتی نینگ دولت یار تومن ولسوالی محمدموسی کلیم نینگ ایتیشیچه، مرغاب تومن پولیس قومندانی عسکرلری بیلن دولت یار مرکزیده کیلگن.
طالبان حاضرگچه بو حقده فکر بیلدیرمه‌گن.
