بوگون «یکشنبه» غور یشاوچیلریدن اونلرچه‌سی، سونگی نیچه کونده مذکور ولایت‌نینگ شهرک تومنیده قربان بولگن‌لرنینگ صورتلرینی قوللریده آلیب، هرات ولایت مقامی بِناسینی اونگیده توپلنگن‌لر و اولر حکومت‌نی دقت‌سیزلیک و غور محلی اداره‌سینی ظرفیت‌سیزلیک‌که عیب‌لب ناتینچلیک‌لر میزانی آشگنی‌گه قرشی ناراضیلیک بیلدیرگن‌لر. اولرنینگ ایتیشیچه، شهرک تومنی طالب‌لرنینگ قولی گه سقوط قیلیشی ممکن.
شهرک تومنی یشاوچیسی گل‌احمدنینگ ایتیشیچه، امنیتی وضعیت یمان بولگن و حاضرگچه کمیده 30-40 کیشی هلاک ایتیلگن، بیراق بو واقعه‌لرده محلی حکومت‌دن هیچ بیر درک یوق دیر.
اعتراضچی‌لرنینگ ایتیشیچه، قوراللی طالب‌لر کابل و باشقه ولایت‌لرگچه یول آچیش اوچون سعی و حرکت قیله‌دی و حکومت‌نینگ اولرنینگ حرکتی گه قرشی چاره تدبیر کورمه‌گن صورتده، کوپینچه ولایت‌لر خطرگه دوچ کیلیشی ممکن.
عین حالده، غور پولیس قومندانلیگی سوزلاوچیسی اقبال نظامی، اعتراضچی‌لرنینگ ادعالرینی تصدیق‌لب و حکومت‌دن بو ولایت‌گه یاردمچی کوچ یوباریشی‌نی سوره‌یدی؛ چونکه باشقه ولایت‌لردن کوپینچه قوراللی طالب غورگه کیلگن و حاضر امنیتی کوچلر بیلن اوروشماقده‌لر.
بیراق، غور حاکمی‌نینگ سوزلاوچیسی عبدالحی خطیبی، خوفسیزلیک تأمین‌لنیشی خصوصیده، مذکور ولایت محلی اداره‌سی‌نینگ دقت سیزلیگی‌نی رد قیلیب ایتیشیچه، محلی اداره توانی ده بار نرسه‌دن قوراللی طالب‌لرگه قرشی فایده‌لنه‌دی.
جناب خطیبی، غور ولایتی‌نینگ خوفسیزلیک وضعیتی خواطرلی ایمس دیدی. اونینگ کوپه‌یتیریشیچه، قوراللی طالب‌لر یالغیز شهرک تومنی اطرافیده توپلنگن و مذکور منطقه گه یاردمچی کوچ یوباریلگن.
