هجوم بوگون ایرتلب ساعت اون بیرده انتحارچی شخص موتریده جایلشتیریلگن بیر تن پارتلاووچی مادهنی زابل ولایت ولایتی کینگشی نینگ ایشیگیده پارتلهتیب یوبارگنده یوز بیرگن.
زابل امنیه قوماندانلیگی نینگ خوفسیزلیک آمری غلام جیلانی فراهی نینگ سلام وطندارگه ایتیشیچه، حادثهده هیچ کیم گه جانی تلفات ییتمه گن.
اما اون آلتی خاتین قوشیمچه 73 انسان آغیر و یینگیل یرهلنگن.
شونینگدیک غلام جیلانی یرهلنگنلر ایچیده ولایتی کینگش نینگ تورت اعضاسی شامل دولتنینگ ایریم ملازملری هم بولگن.
فراهی، یرهلنگنلردن تورت کیشیسی نینگ احوالی آغیر بولگنلیگی اوچون قندهار ساغلیقنی سقلش مرکزیگه جونه تیلگن لیگینی ایتگن.
پارتلشده زابل ولایتی کینگشی اداره سی، محکمه بناسی، قیشلاق لرنی رواجلنتیریش ریاستی و محلدهگی قطار ییش بنالرگه زیان ییتگنی ایتیلهدی.
پارتلش مسوولیتی نی قوراللی طالبلر تامانی اوز بوینیگه آلگن.
شونینگدیک بیر هفته آلدین، جمهورلیک سرایی یقینیده جایلشگن عدلیه وزیرلیگی نقلیه واسطه لری بیکتیده یوزبیرگن خودکش هجوم نتیجهسیده 4 کیشی هلاک بولیب و باشقه 24 کیشی یرهلنگن ایدی.
بو واقعه مسؤولیتینی طالبلر بوینیگه آلگندی
ینگی ییل فصلی باشلهنیشی بیلن دولتگه قرشی قوراللی عصیانچیلر هجوم مملکت بویلیب آشگن.
امنیتی کوچلر مملکت ایریم ولایت لری جملهدن بادغیس، بدخشان، بغلان، فاریاب، ارزگان، هلمند و فراه ولایت لریده دشمن گه قرشی اوروشیب کیلماقده.
