غور ولایت کینگشی اعضالری و مدنی فعاللریدن بیرقطاری‌نینگ ایتیشیچه، اوشبو ولایتده مردمی کوچلر نامیده قطار کیشی‌لرنینگ حضوری باعث، امنیتی کوچلرنینگ عملیات‌لری ناکام بولگن.
اولرگه کوره، عملیات‌لر یولگه قوییلیشی‌دن آلدین، بو کیشی‌لر استخباراتی معلومات‌نی طالب‌لرگه ییتکیزه‌دی.
سلام‌وطندارگه صحبت بیرگن غور مدنی فعاللریدن بیری نظرمحمد ثاقب‌نینگ ایتیشیچه، مردمی کوچلر نیاز بولگن نرسه‌لری جمله‌دن حربی جهاز و امکانیت‌لرینی دولت‌دن آله‌دیلر، بیراق مسلک‌لریگه قرشی عمل قیلیب و عملیات یولگه قوییلیشی‌دن آلدین، برچه معلومات‌نی طالب‌لر بیلن شریک قیله‌دیلر.
مدنی فعاللردن باشقه بیری محمدناصر خسرونینگ ایتیشیچه، مردمی کوچلر امتیاز آلیش، ولایت‌نی ناتینچ قیلیش و گناه‌سیز کیشی‌لرنینگ اولدیریش‌دن باشقه ایش قیلمه‌یدیلر. اوشبو مدنی فعال گه کوره، مردمی کوچلرنینگ حضوری و فعالیت‌لری باعث، امنیتی کوچلر عملیاتلریده هیچ قنده‌ی یوتوق قولگه کیریته آلمه‌یدیلر.
شونینگ‌دیک، غور ولایت کینگشی اعضاسی عبدالحمید ناطقی‌نینگ ایتیشیچه، قومی و گروهی قره‌مه قرشی‌لیک‌لر باعث، تیزیم ایچیده جایلشگن قطار کیشی‌لر، استخباراتی معلومات‌نی طالب‌لرگه بیره‌دیلر.
جناب ناطقی گه کوره، اولر نیچه مرته بو موضوع نی مرکزی حکومت بیلن شریک قیلگن‌لر، بیراق حاضرگچه بو توغریده هیچ بیر عملی ایش بولمه‌گن.
بو توغریده غور پولیس قومندانلیگی‌نینگ فکرینی اورگنماق ایسته‌دیک، بیراق اولر صحبت بیریش‌گه حاضر بولمه‌دیلر.
لیکن، غور حاکمی سوزلاوچیسی عبدالحی خطیبی، امنیتی کوچلردن حمایه قیلیش‌ده مردمی کوچلرنینگ حضورینی اونملی دیب ایتیشیچه، اولر حاضرگچه بونده‌ی بیر گزارش قولگه کیریتمه‌گن‌لر.
غور ولایت کینگشی اعضالری و مدنی فعاللریدن بیرقطاری، ینگی‌لیک‌ده مردمی کوچلرنینگ قومندانلریدن بیری مولوی عبدالخالق حیدری بویروغیده بولگن کیشی‌لر و مذکور ولایت‌نینگ حج و اوقاف ریاستی اورین باسری بیلن بیرگه طالبان گروهی‌گه قوشیلگن بیرچاغده، مردمی کوچلرنینگ حضوریدن تنقید قیلگن‌لر.
