داعشیانو تیره اونۍ د غور ولایت له ۳۰ ډیر ملکي وګړي ووژل، چې په غبرګون کې یې سلګونو غوریانو د هغوی پرضد وسلې پورته کړې.
د غور ولایت ځای ناستي امنیه قوماندان جنرال ضیاءالدین ثاقب سلام وطندار ته وویل، چې له ۵۰۰ ډیرو کسانو د ولسي پاڅون په چوکاټ کې د امنیتي ځواکونو ترڅنګ د داعش وسله والو پر ضد وسلې پورته کړي او د فیروز کوه ښار ځینې سیمې یې له طالبانو پاکې کړې دي.
د ثاقب پروینا، په دغو عملیاتو کې ۸ طالبان او یو امنیتي سرتیری وژل شوي او دوه نور امنیتي سرتیري د ماین چاودنه کې ټپیان شوي دي.
نوموړي زیاته کړې:" د امنیتي سرتيرو او طالبانو ترمنځ جګړه شوې چې ۸ طالبان ېې وژلي او د بي ام یو، یوه دستګاه یې له منځه تللې او یو امنیتي سرتیری هم د ماین په چاودنه کې شهید او یوبل ټپي شوی دی."
د غور ځای ناستی امنیه قوماندان زیاتوي، چې په شمال کې د ظفر ۳۷ عملیات به د مخالفو وسله والو تر له منځه وړولو پورې روان وي.
د ثاقب پر وینا، امنیتي ځواکونه هڅه کوي چې ډیر ژر د غلمین سیمه په بشپړه توګه له مخالفو وسله والو پاکه کړي.
داعش وسله والو تیره اونۍ د خپل یو قوماندان وژل کیدو په غبرګون کې د غور مرکز فیروز کوه اړوند کاسي سیمه کې ۳۰ ملکي وګړي وژلي وو.
