غور ولایتی نینگ ایریم ایکینچی‌لریگه کوره، حکومت‌نینگ حمایت قیلمه گن‌لیگی سبب دهقان‌لر پول قولگه کیرتیش اوچون کوکنار ایکیش‌گه یوز کیلتیرگن‌لر.
مذکور دهقان‌لرگه کوره، قاچاقچی‌لر کوکنار ایکش وقتی کیلمس‌دن آلدین بولرگه پول بیره‌دی. حکومت مسوول‌لری کوکنار ایکیش فصلی ییتیب کیلمس‌دن آلدین دهقان‌لر حیاتی تامین ایتیلیشی اوچون همکارلیک قیلیشی تاکیدلنه‌دی.
مذکور ایکینچی‌لردن بیری محمد ابراهیم نینگ سلام وطندارگه ایتیشیچه، مخدر ماده‌لر مافیاسی باشقه ولایت‌لردن غور ولایتی‌گه کیله دی‌لر. مخدر ماده‌لر قاچاقچی‌لری ایکینچی‌لرگه آلدین‌دن پول تولَب کوکنار ایکیش‌گه ترغیب قلینه دی‌لر.
دهقان‌لردن بیری محمدنعیم، ایکینچی‌لر اوروغ، سوو و اوغیت بیلن حکومت آرقه‌لی حمایت ایتیلمس‌لیک‌لری سبب کوکنار ایکیش‌گه مجبور بولگن‌لیک‌لرینی ایتگن. نعیم‌گه کوره، حکومت دهقان‌لرنی حمایت قیلمه‌گن حالده، اولرنی مجور قیلیش‌گه هم احتیاج یوق.
اوشبو ولایت‌نینگ ایکینچی‌لریدن باشقه بیری خیر محمد، حکومت‌نی اعتبار قرتمه‌گن لیگی و تریاک بهاسی یوقاری کیتیشی دهقان‌لرنی مخدر ماده‌لر ایکیش‌گه قیزیقتیرگن دیدی.
دهقان‌لرگه کوره، اوتگن ییل غور ولایتی‌ده کوکنار ایکیش میزانی 15 فایز کوپیگن؛ لیکن بو ییل حکومت‌نی بی فرق قالیشی بو رقم 25 فایزگه آشیشی ممکن.
غور مخدر ماده‌لرگه قرشی کوره‌ش اداره‌سی نینگ رییسی یوسف وکیلی دهقان‌لر قاچاقچی‌لر تامانی‌دن ترغیب ایتیلگن‌لیک‌لرینی تصدیق له‌گن. یوسفی، ایکینچی‌لرنی آگاهلنتیریب ایتیشیچه، کوکنار ایکین ییرلری پولیس تامانی‌دن بوزیب تشلنه‌دی قانون‌دن باش تارته دیگن دهقان‌لرهم حبس‌گه آلینه‌دی. شونینگ‌دیک یوسف وکیلی، ایکینچی‌لر قاچاقچی‌لر طرفیدن الدلمس‌لیک‌لرینی ایتگن.
ولایت مخدر ماده‌لرگه قرشی کوره‌ش اداره‌سی نینگ رییسی، غور ولایت مرکزی فیروزکوه، دولت‌یار، سرجنگل، دولینه و چهارسده منطقه‌لری اوتگن ییل کوپ کوکنار ایکیلگن حدودلردن بولگنی نی تیل‌گه آلگن.
غور مخدر ماده‌لرگه قرشی کوره‌ش اداره‌سی، بو ییل اوشبو ییرلر کوکناردن تازه له‌نیشی‌نی بیلدیرگن.
افغانستان مخدر ماده‌لرگه قرشی کوره‌ش وزیرلیگی نینگ معلوماتی‌گه کوره، دنیا نینگ 90فایز تریاکی افغانستان‌ده ایشلب چیقاریله‌دی. بو مملکت هنوز هم دنیا بولیب مخدر ماده‌لرنی ایشلب چیقاریش‌ده بیرینچی اورین‌ده تورگن.
غور ولایتی افغانستان‌نینگ اینگ کوپ مقدارده مخدر ماده‌لرنی ایشلب چیقاره دیگن ولایت‌لر جمله‌سی‌دن.
