غور ولایتی بوییچه ساغلیق‌نی سقلش ریاستی باشلیغی جمعه‌گل یعقوبی نینگ ایتیشیچه، کرونا ویروسی‌گه شبهه‌لی 63 اوقووچی‌دن آلینگن نمونه‌لر جمله‌سیدن 23 ته‌سی نینگ نتیجه‌سی ایجابی تانیلگن. اونینگ ایتیشیچه، کرونا ویروسی‌گه چلینگن اوقووچی‌لر قرنطین قیلینگنلر.
یعقوبی نینگ کوپه‌یتیریشیچه، بیلیم یورت‌لرده درس‌لر حضوری شکلده باشلنگنیدن حاضرگه‌قدر نیچه مرته تحصیلی نهادلردن نظارت قیلیب و ساغلیک توصیه‌لرنی اوقووچی‌لر بیلن شریک قیلگن.
غور بیلیم یورتی سرپرستی سیدشیرآغا هاشمی، اوقووچی‌لردن بیرقطاری نینگ کرونا ویروسی‌گه چلینگنی‌نی تصدیق‌لگن.
غور ولایتی نینگ ساغلیک مسووللری، اوشبو ولایت یشاوچی‌لریدن ساغلیک توصیه‌لرنی رعایت قیلیشلرینی سوره‌گنلر.
غور ولایتی بوییچه ساغلیق‌نی سقلش ریاستی مسووللریگه کوره، کرونا ویروسی چیقگنیدن حاضرگه‌قدر اوشبو ولایتده 528 کیشی اوشبو ویروس‌گه چلینگن و بو جمله‌دن 11 ته‌سی دنیا دن اوتگن.
ایتیلیشیچه، حاضرگه‌قدر مملکت بوییچه کرونا ویروسی‌گه چلینگنلرنینگ سانی 38 مینگ و 641 کیشی‌گه کوپه‌یگن.
