.jpg)
افغانستان جمهور رییسی محمداشرف غنی اخبارات واسطه‌لری و ولایت‌لر خبرچی نماینده‌لری بیلن چهارشنبه دن پنج‌شنبه گه اوتر کیچه‌سی جمهور رییس‌لیک سرایی‌ده اوچره‌شدی. غنی، خبرچی‌لر امنیتی تامین ایتیلیشی اوچون جدی اعتبار قره‌تیش‌نی تیل‌گه آلگن. شونینگ‌دیک جمهور رییس، خبرچی‌لرگه عاید دوسیه‌لرنی اوزی تیکشیریش‌نی بیلدیرگن.
اونینگ سوزلریگه قره‌گنده، خبرچی‌لر خوف‌سیزلیگی تامین ایتیلیشی اوچون ملی امنیت کینگشی‌ده نتیجه گه ایریشیلگن و تیزلیک‌ده بو توغریده عملی آدیم‌لر تشلنه‌دی.
جمهور رییس غنی 80 ییل آلدینگی سانسولرگه اشاره قیلیب، حاضر بونده‌ی بیر شرایط اوتگن‌لیگینی بیلدیریب، خبرچی‌لر ملت‌لرنینگ گویا تیلی و مدنیتی‌نی رونق بیروچی شخص‌لر دییه تیل‌گه آلگن.
جناب غنی، برقرارلیک‌نی تامین قیلیش شخص‌نینگ مسؤولیتی ایمس، بل خبرچی‌لر بو یولده حکومت و دولت‌گه همکارلیک قیلیش‌لری ضرور دیگن. اداری فسادنی یوق قیلیش اوچون خبرچی‌لرنینگ رولی بارلیگی اوستی‌ده توخته‌لیب " کیلگوسی هفته فسادگه قرشی کوره‌شیش نینگ ینگی فصلی باشلنه‌دی."
ییغین‌ده جمهور رییس غنی " معلومات‌لرگه قول تاپیش" اوچون ایری بیر اداره ایجاد ایتیلیشی‌نی سوره‌ب، بو اداره دولت اداره‌لری بیلن خبرچی‌لر اورته‌سیده‌گی همکارلیک قیلمس‌لیک مدنیتی‌نی اورته‌دن کوتاریشی اوچون فعالیت قیلیشی لازم.
.jpg)
خبرچی‌لرگه ییر ترقه‌تیب بیریلیشی اوچون اشاره قیلگن جمهور رییس غنی، دستلب ملی کوچلر و شهیدلر خانه‌دانیگه ییر ترقه‌تیب بیریش مسأله‌سی نهایی بولگن‌دن سونگ، خبرچی‌لرگه ییر ترقه‌تیب بیریش اوچون هم مصلحت آلیب باریش‌دن سوز بیرگن.
ییغین‌ده جمهور رییس غنی اخبارات و مدنیت وزیرلیگی، نثر، نظم و خبرچی‌لیک فعالیت‌لرده اوزیدن اوستون‌لیک کورستگن شخص‌لر اوچون مخصوص مکافات نظرده توتیش‌نی سوره‌گن.
ملجس‌ده جمهور رییس غنی مملکت اقتصادی موفقیتی اوستی‌ده توخته‌لیب، سونگی نیچه وقت ایچیده افغانستان او ییریک اقتصاد لایحه جمله‌دن تاپی، کاسا بیرمینگ و چابهار بندریگه اشاره قیلگن.
غنی، افغانستان ییر آستی بای‌لیک نقطه نظردن دنیاده بای دولت‌لردن، بو منبع‌لردن فایده‌له نیلگن حالده، مملکت‌ده اقتصادی قیشاق‌لیک ایلدیزدن یوق ایتیلیشی باره‌سیده تاکید ایتگن.
ییغین‌ده حکومت نینگ اجراییه باشلیغی، جمهور رییس ایکینچی اورین باسری سرور دانش، اجراییه اداره‌سی ایکینچی اورین باسری محمد محقق، ملی کینگش نماینده‌لری و ولایت‌لرنینگ خبرچی‌لر نماینده‌لری اشتراک قیلگن ایدیلر.
