.jpeg)
د جوزجان سیمهییز چارواکي وايي، چې د جوزجان په سخياباد سیمه کې ۳ وسلهوال غله یو کور ته ننوتي دي چې یو زوی او مور یې وژلي دي.
د جوزجان د والي ویاند محمد رضا غفوري وویل، چې دا ۳ تنه غله یو استوګنیځ کور ته له ننوتلو وروسته د کور د خاوند سره په نښته اوښتي، چې په پایله کې یې د دوی له ډلې ۲ غله هم وژل شوي دي.
د غفوري پر وینا، درېیم غل چې د خپلو ۲ ملګرو له مرګه خبر شو؛ د کورنۍ دوه غړي یې په چاقو ټپيان کړل؛ خو روغتون ته په لاره یې ساه ورکړه او دواړه مور او زوی مړه شول.
د ده په خبره، درېیم وسلهوال کس نن سهار غوښتل چې وتښتي؛ خو د پولیسو له لوري ونیول شو او تحقیقات ترې روان دي.
.jpeg)
یو سړي د خپلې مېرمنې له وژلو وروسته ځان ځړولی
د هرات ولایت د پولیسو امنیې قوماندانۍ ویاند عبدالاحد وليزاده سلام وطندار ته وویل، چې نن ګهیځ د هرات ښار څلورمې ناحیې په "غیزان چشمه نخست" سیمه کې یو سړي د چړې په ګوزار خپله مېرمن وژلې او وروسته یې ځان ځړولی دی.
وليزاده وايي، د پېښې لامل تراوسه معلوم نه دی او په دې اړه پولیسو څېړنې پیل کړي دي.
د سیمې خلک وايي، دغه کس رامین نومېده او د یوې بهرنۍ موسېسې کارکوونکی و او مېرمن یې بیا په یوې دولتي ادارې کې کارکولو. خلک وايي، پېښه د کورنۍ لفظي شخړې له امله رامنځته شوې ده او یوازې دوه ماشومان ترې پاتې شوي دي.
